نفساني - عرض مشاركة واحدة

14-06-2023, 12:14 PM

السلام عليكم

طبعا فيني كلام كثير واشياء بقولها حتى لو كلامي ملخبط
انا ندمانه قد شعر راسي اني ماعالجت الوسواس وسعيت في علاجه بكل الطرق .. كنت معتمده ع الادويه وابلع فيها بس
انا الحين وصلت لمراحل متطوره وشديده من الوسواس
صرت اسوي طقوس وسواسيه مجنونه ماتدخل العقل ومع ذلك ما ارتاح
لكن مدري هل فيه امل للتشافي ؟ بعد المرحله اللي وصلتها
احباط ويأس وبكاء وحالتي الله العالم فيها
عمري وشبابي راح في هم وغم خلاص ماراح اشتكي الا لله وحده لكن عندي بعض الاسئلة عن الوسواس
الحين تجيني فكره كاذبه واعرف انها كاذبه لكن يجيني هلع وذعر شديد وشعور بالصراخ والبكاء وكلما حاولت دفع هذي الفكره لا استطيع .. مع انها فكره كاذبه وانا على حق .. شي مجنون!
ابتلاء عظيم مهما حاولت افسر الوسواس اعجز ومهما حاولت ادفعه اعجز ولا ينفع معه التجاهل لان حالتي شديده جدا
واللي يقول تجاهلي بدعي عليه معد اتحمل كلام تنظيري
الخلاصه انه ابتلاء عظيم اسأل الله الراحه منه بالشفاء او الموت
واسأل الله ان لا يحملني مالا طاقة لي به
طفشت كل مره افتح موضوع ونفس المعاناه ونفس الشكوى ونفس الوضع
انقطعت الاسباب والسبل الا من الله سبحانه
نفذت حلول الدنيا الا من عند الله
اشكر كل من ساعدني وواساني وشار علي ودلني شكري ودعاءي له من القلب .. استودعتكم الله الذي لا تضيع ودائعه

السلواوي معجب بهذا

المصدر: نفساني