نفساني - عرض مشاركة واحدة

16-06-2023, 07:50 AM

والله و ربي ما بقول .. (فاتت المنتدى وما ردت)
لاني بعرف الباطن وبعرف جوهرك..وألتمس العذر
انا ذكرت اساميكم لاني بحبكم
وأحس بالراحة لما. تكونوا موجودين
وصدقا حتى غياباتكم ونفسياتكم أقدرها جدا وحتى صمتكم اقدره
بس انا ما اخفي مشاعري عنكم
وأحيانا انقهر من الغياب احس حالي فعلا غريبة و وحيدة
لأني اخترتكم وفضلتكم عن أي شيء آخر..
صدقيني يمكن تستغربي انا متلك منعزله عن واقعي
وعن الناس وحتى الوتس اب رغم انه عائلي جدا
ما بتكلم غير عند اللزوم..وحسب شو بكون مزاجي
معتزلة الفيس والأنستا..ما الي نشاط على مواقع التواصل
وبلاقي حالي هون ..مع هالناس الطيبة شرواك بالخير
بفضفض وبكتب براحتي...
ما حدا خالي من الهموم والمتاعب حبيبتي
صدقيني احيانا بستغرب من نفسي كيف بكون بهذا الصمود
انا مو على حافة الانهيار. انا منهارة فعلا..ومنطفئة لابعد حدود
لو بدي اوصف نفسي وما يليق بحالي
لكان (حطام امرأة) هو اللقب المفروض يكون..
ولكن اخترت ان اكون ظل بشكل خفيف ولطيف..
عندي آاااااااااااهات بتعبي الكون
اسفة حبيبتي
من سوء الحظ اليوم تحديدا تعبانة جدا موجوع قلبي ومخنوقه
من ظرف حصل مبارح..
وحقك عليي انا كمان ما قصدت من موضوعي شي
سِوى التعبير عن شعوري لانه هون فقط أبوح بارتياح
وربي يكون معك يا غالية ويخفف عنك شعورك
ويكرمك كرم يليق فيكي ويغير حالك لأحسن حال يارب
و لو غبتي..حاضرة دائما بتفكيري وقلبي
انا بعمري ما انسى حدا أثر في نفسي وروحي
أحبك يا نقية🤍❤🌹

مستكفّة ,عبدو عمر معجبون بهذا