نفساني - عرض مشاركة واحدة

30-08-2023, 12:55 PM

اقتباس:

المشاركة الأصلية كتبت بواسطة شهيد الحب

بغض النظر عن اختلاف الاجساد في تقبل بعض الادوية أو المكملات فأنا أعرف تماما من يقف خلف صناعة هذه المكملات وما تسببه من أضرار فادحة للجسم اضافة إلى أنها غير خاضعة للرقابة الطبية ففي أمريكا لوحدها سنويا يدل المستشفى حوالي 220 ألف حالة بسبب المكملات وبعضها تصل به الحالة إلى الفشل الكلوي والفشل الكبدي ووزارة الصحة حذرت الناس من استخدام أي مكمل من دون وصفة طبية
وأما عن الخميرة اللي تستخدمها صدقني ما منها أي منفعة ولا تعوض أبدا نقص الفيتامين ب لأن الكمية اللي تستخدمها كمية قليلة جدا وتحتاج انك تاكل نص كيلو خميرة عشان تحصل على احتياجك اليومي من فيتامين ب طبعا ترى ما أمزح 😅
وعشان كذا الشركات تضيف مع حبوب الخميرة مركب فيتامين ب عشان تعطيك احتياجك الكامل بدون الحاجة إلى أكل نص كيلو خميرة 😂😂
يا وعل القطب المتجمد الجنوبي الله جعل في الأكل اللي ناكله كل ما نحتاجه من فيتامينات عندك نقص فيتامين أ كل جزر عندك نقص فيتامينات ب كل مكسرات عندك نقص بروتين كل لحم وهكذا
أما سالفة انك تاخذ مكملات فحط في بالك انك بتتعرض للغش بنسبة كبيرة لأنه يمكن المكمل كله سمنت وانت تبلع فيه ولا تدري!!
او انك يصير معك تسمم فيتمينات لأن هذي المكملات بعضها يكون فيها نسبة أكبر بكثير من اللي يحتاجه الجسم وبالتالي تسببلك ضرر لا قدر الله
مثلا عند الفيتامين أ اذا زاد عن حده يسبب تضخم الكبد وفي الحالات المتقدمة يسبب الفشل الكبدي
وعندك الفيتامين د نفس الموضوع الناس طايحين فيه ولا يدرون انه اذا زاد عن حده يسبب حصوات وفي الحالات المتقدمة يسبب الفشل الكلوي
والأمر كله ينطبق على باقي الفيتامينات والمعادن
وانت بكيفك عاد اذا ما اقتنعت في كلامي أبلع زي ما تبي في هالمكملات 😁

حنا لاقين إسمنت ناكله :) الله يعين صدق ، و الله إنا نرجي من وراها خير بإذن الله و أنا صرت أدعي إن أي شي من الصيدليات و المستشفيات نطلب نفعها من الله و يكفينا ضررها .

الله يعافينا من الفشل الكلوي و الكبدي و كل فشل في الجسم و المعنوية و الحياة

شكرا

مستكفّة معجب بهذا