نفساني - عرض مشاركة واحدة

09-11-2023, 04:13 AM

و عليكم السلام ورحمة الله وبركاته

حياك الرحمن اخونا محمد

انت لازم تستمع للرقية الشرعية و تقرا سورة البقرة

في البداية راح يزيد الضيق و الكوابيس ادري

اذا حسيت انك تعبت مرة و ما انت قادر تكمل استمر على قول لاحول و لا قوة إلا بالله طوال الوقت طوال يومك

استمر ايام بعدها ارجع للرقية و سورة البقرة

مع الايام بإذن الله تعالى راح تحس بخفة في روحك و نشاط و ثقة و يقين بالله

انا يوم بدأت في المداومة على سورة البقرة امي اللي اخدمها بعيوني و خدي مداس لها و هذا اقل واجب كانت تشوفني شيطان لدرجة تتفل علي ، مشاكل أعوذ بالله شي فظيع على اتفه شي .. اقلك لو على كاسة شاي تدعي على و انواع السخط أعوذ بالله .. شي لا يطاق

تصدق انها صارت تقلي اطلعي من بيتي و كأن لا قدر الله على أخلاقي مأخذ و العياذ بالله

انا اعرف انهم يقولون للولد اطلع .. أما بنت تطلع .. طيب وين تروح

كنت وقتها مشتركة في قروب لقراءة سورة البقرة مرتين يوميا مرة صباح و مرة مساء... انا كنت اقراها مرة وحدة على فترتين .. و كنت اقول لمشرفة القروب انا خلاص ماني قادرة اكمل ، قالت كل المضرورين يتعبون في البداية لكن مع الاستمرار راح ينقشع كل ذا

فعلا الحمد لله مع الوقت رضت و صارت تدعي لي لو اناولها علبة المناديل و ان شاء الله ربي يقدرني على الاستمرار عليها لين نهاية عمري