حمده_2005

بيانات اضافيه [ + ]

رقم العضوية : 8466  تاريخ التسجيل :  04 2005  أخر زيارة : 21-05-2006 (10:55 PM)  المشاركات : 8 [ + ]  التقييم :  10

لوني المفضل : Cadetblue

السلام عليكم

ارجوا الاهتمام بموضوعي واذا الاستاذ عماد الدوسري مشغول .. فاتمنى من الاساتذه الآخرين الرد على مشكلتي.

مشكلتي يمكن تكون طويله بعض الشي بس اتمنى النظر اليها وقرأتها باكملها.

مشكلتي مر عليها اربع سنوات .. حاولت بكل الطرق اني احلها لكني ما قدرت .. انا موظفه والمشكله في مكان عملي مع مسؤولي .. البدايه صارت بانه اتى لي وقالي ليش ما توقعين الاوراق عندي ليش توقعينها عند المسؤول الاصغر مني فردي كان اني ما كنت اعرف انه المفروض تتوقع عنده الاوراق .. فسواها مشكله مع المسؤول الاصغر منه والصراحه ما كان للمشكله من داعي .. ومن هنا بدأت سالفة المسؤول.

مرت الشهور وهو معاي من احسن ما يكون دائما يمدح فيه ويحب يناقشني قام يدخلني حتى في حياته الشخصيه وعلى فكره هو مزوج وعنده 5 اطفال .. كنت دايما اسمع له لدرجه انا استوينا قريبين من بعض وما خلا بيني وبينه اي حاجز بالعكس اعتبرني اكثر من موظفه ودوم يقولي انا غير عن الجميع في القسم. كنت على نياتي ومن طبعي اني اخذ الشي بحسن نيه تطورت العلاقه ففي يوم من الايام اعطاني ايميله الشخصي على اساس انه يبغي يتكلم معايه على المسنجر .. بيني وبينكم في اول الامر رفضت بس اخذت منه العنوان .. فاثناء الفتره هاييج كان وقت اجازه وهي اجازة عيد الفطر .. من كثر ما فكرت ليش هو عطاني ايميله فقلت لنفسي خلني ابعثله ايميل واشوف شو نيته .. كتبتله الايميل بشكل رسمي فرد عليه بطريقه حلوه زياده عن اللزوم .. بعد رجوعنا من الاجازه .. شفت انه يعاملني بطريقه غريبه وفيها نوع من الشوق الزايد .. فمره كنت عنده في المكتب .. فاعترف لي بحبه .. وانه ما يقدر يستغنى عني وقالي ياريتني لقيتج من زمان .. على طول انا صديته وذكرته بانه متزوج واللي يسويه اكبر غلط شو ذنب زوجته ... رد علي وقال خلي موضوع اني مزوج عليه انا بتصرف ... بعد مصارحته لي التزم بدوامه لدرجة انه موظفينه استغربوا لان معروف عنه انه غير منتظم ومتغيب دايما ... تقربنا من بعض لدرجة انه صار اتصال بينا بالتلفون .. كل ما يحاول معايه كنت اذكره بزوجته وعياله .. لين خليته يقولي انه ما يبا يكون ذئب من ذئاب هاي الايام لانه ما يقدر يزوجني بسبة زوجته وعياله ..

في الصيف انا طلعت اجازه .. فسافرت .. هو سافر لبلد قريب من البلد اللي كنت فيه .. هو قالي انه بيكون في ذلك البلد .. وانه سياتي للبلده اللي انا فيها .. يوم عرفت هالشي اقفلت هاتفي وتركته في بيتي وسافرت لمدة شهر كامل .. بعد رجوعي من السفر كانت ملامح الشوق في وجهه واضحه وكانه ما صدق انه شافني مره ثانيه .. قمت اتجاهل كلامه واعلق عليه تعليقات وقطعت اتصالي الهاتفي به فكنت معاه رسميه في العمل .. حاول استفزازي بانه يضحك ويتكلم مع غيري من البنات في العمل انا ما اهتميت لحركاته .. طافت السنه الاولى بالطريقه نفسها .. والسنه الثانيه بعد طلعت اجازه في الصيف قبل ما اطلع طلب مني اني اتصل فيه واقوله وين بكون ..رفضت وقلتله ما اقدر اهلي معايه قالي بيكون لج مكان خاص كلميني فيه لكني رفضت مره ثانيه .. هاي المره تيلفوني كان معاي اناما اتصلت فيه ولا هو اتصل فيه .. هاي المره انا خذيت مده اطول من شهر .. لما رجعت استوت مشكله اني شغلي تراكم ومحد اهتم بتخليصه .. فقلتله انا مب مسوؤله عن التأخير لانه انتوا عندكم موضف غيري عندما طلعت للاجازه .. فرد عليه بكل جرأه ليكون حصلتي لج علاقه جديده وانتي برع .. فرديت عليه باستغراب شو هالكلام اللي تقوله شو تقصد بالضبط .. فاجابني انا اقول احتمال حصلتي احد .. المهم اني ما اهتميت لسخافاته وكنت مهتمه بشغلي بدرجه كبيره لاني انسانه منضبطه وشغوله ... تميزت بسبت التزامي وشغلي على آخر السنه جتني دورة تميز كبيره دراسه لمدة ثلاث شهور في معهد عالي من قبل مسؤولي القسم الاعلى .. خلال دراستي كان دائم التعليق ودوم يسالني متى بتخلص الدوره لانه الدوره تاخذ وقت كبير من عملي لدرجه اني ارجع الدوام الساعه 11 صباحا ..

التكمله تحت ...