نفساني - عرض مشاركة واحدة

24-12-2023, 11:58 PM

قالوا لَىٰ فات الفوت ما ينفع الصوت
لَىٰ تلحق اِلّي راح منك حسوفه
قلت الصبر وقف يا مزينكم سكوت
خلوا حزينٍ ما تهيّت شفوفه
خلوا حزينٍ حرّم الشرب و القوت
كبده ما تقبل و اِن جبرها عيوفه
مصبر و همّه في حناياه منحوت
سدّه منيع و فاري الهمّ جوفه
قد له و صدره للمعاناة تابوت
ما شاف من قسوة زمانه مروفه
زودٍ على ما هو من الوقت مبهوت
بيّن من فراق المحبين خوفه
غاليه راح و شاف من صدّه الموت
داره عقب صدّه ما هي بمعروفه
قال انتطر و الهجر لو طال موقوت
و اوعدك لو طال الهجر بالنكوفه
و ابطى عليه و حزن فرقاه مكبوت
ما هو بداري ويش سوت ظروفه
ويله على يدري قبل فايت الفوت
هو عاده إن طال الزمان بيشوفه