نفساني - عرض مشاركة واحدة - إذا زال الخوف زال الوسواس بإذن الله تعالى ..

11-05-2024, 07:26 AM

كذلك بالنسبة للعلاج السلوكي
استغرب ان الوسواس يبي ينفع له العلاج السلوكي
خاصة وسواس الأفكار اللي اعاني منه

اصلا حتى لو انك حاولت تدفع الأفكار بأي وسيلة طالما قلبك يرقل من الخوف ما تقدر

لأن بالنسبة للافكار اللي يخليها تتزاحم في راسي الخوف . بحيث لو تطمنت تبي تختفي من حالها

يعني قبل تتزاحم الأفكار في راسي و تجنني قلبي يرقل من الخوف خفقان فظيع و تعرق و ألم بالبطن و تتجمد الأطراف و جفاف في الريق و تلعثم و دوار كأني في قاعة اختبار و ماني مستعدة و أشد

لذلك لو زال الخوف و تطمنت انتهى الوسواس
بعدين كيف تبي تناقش شخص في أفكاره و تبي تقنعه و هو منعدم التركيز .. لان القلق عدو التركيز كيف لو كان خايف ؟

كذلك قعدت فترة تقريبا سنة تصيبني نوبات الهلع و الكوابيس بسبب هموم و مشاكل استجدت و التفكير في المستقبل ثم داهمني الوسواس في بداية رمضان بسببها و الحمد لله على كل حال

يمكن العلاج السلوكي ينفع مع اللي عندهم وسواس في الأقوال و الأفعال زي وسواس الطهارة بحيث يمتنعون عن اتيانها تدريجيا لكن مع وسواس الأفكار ما ظنتي ..

ربي يعافي عباده ويجنبهم ويلات الأمراض و العلاجات

اللهم امين يارب العالمين