نفساني - عرض مشاركة واحدة

13-05-2024, 12:50 PM

السلام عليكم ورحمة الله وبركاته

حياك اخونا التحدي الصعب بين اخوانك

و انت قدها و قدود و الا ما كان سميت نفسك التحدي الصعب

اولا .. وش عليك من الخلايق و رايهم فيك. .؟

ترى الناس فيهم الحقير و الوضيع و السفيه و السافل و البعيد عن ربه و الديوث و اللي ياكل مال الحرام و لا يبالي .. بس ساترتهم ملابسهم

هل يستحق كل هؤلاء انك تهتم بنظرتهم فيك ؟

و ترى هذي ليست نظرة سوداوية .. الله اللي قاله في كتابه الكريم مو أنا

كل صفة حسنة في الناس الله قال عنها و قليل

و كل صفة سيئة قال أكثر الناس

و الا ما كان وقود جهنم الناس و الحجارة .. ذكر الناس قبل الحجارة .. يعني اللي يشعل نار جهنم - اللي قعرها مسافته سبعين خريف - عظام و جلود الناس قبل الحجارة
نعوذ بالله من حرها و زمهريرها

ثم بعد ذلك تهتم برأيهم فيك ؟

اما بالنسبة للأمراض النفسية تعال قلي مين ربي نجاه منها و من الأدوية النفسية في هذا العصر

ترى ثلاث ارباع البشر يعانون و يتعاطون الأدوية النفسية
بس ما يقولون ..

اللي يقول الربع فقط اللي هم إحنا و نفضفض بهذا المنتدى

لذلك خلك مثلهم .. مو شرط محيطك يدرون خاصة في مجال العمل .. مو ضروري يعرفون .. ما يخصهم و الا يهمهم ..

و حتى اللي يتناولها ما يقلك انا اتناولها عشان عندي ذهان و الا رهاب يبي يقلك اتناولها عشان القولون او الصداع النفسي و إذا كان مرة مرة ارتاح لك يبي يقول عشان يعاني من مشكلة زوجية

الواحد لو يبي يلتفت ، يلتفت لعلاقته مع ربه و يحسنها و يحاسب نفسه كل فترة... هذا اللي يبي ينجيه في الدنيا و الآخرة ..

نجانا الله وياكم نجاة الدارين و جميع المسلمين

اللهم امين يارب العالمين