المشاركة الأصلية كتبت بواسطة المنوال

كاتعاود على الحالة ديالك أقسم بالله بحال كتهدر عليا كنظن هادشي عندو علاقة مع الشخصية و حاجات كيكبرو مع الواحد من الصغر

من صغري كان دائما عندي واحد الخوف مكنتش كنعرف مناش و لكن دائما خايفة دائما كنقول شي حاجة خايبة غتوقع مع المدة وليت كنخاف من العذاب د القبر و يوم القيامة هادشي بسباب ناس الله يسمح ليهم ديما كيتكلموا حدايا على جهنم القبر تفكير ديالي ديما فهادشي مهم من حاجة لحاجة
كانت عندى أنا فكرة التنفس مرتبطة بالماكلة إذا كليت كنحس بكرة في حلقي كنقول ماكلة هي لي كاتخنقني لدرجة مابقيت ناكول والو عايشة غير بالماء و الشوربة أي حاجة بغيت ناكلها خاص نردها شوربة رجع عندي صعوبة في البلع و بزاف د الحاجات بقيت متعايشة مع الحالة مرة تمشي مرة تجي أي طبيب مشيت عندو كيقول ما فيك والو كلشي مزيان صافي اقتنعت ما فياش مرض عضوي ولكن نفسي كان كيجيني فراسي أنا بوحدي لي كنعاني من هاد الحالة حتى النهار اللي لقيت المنتدى ف 2018 و لقيت حالات بزااااف بحالي عاد بديت كنقلب عاد عرفت لي فيا وسواس و نوبات هلع و قلق و اقتنعت
حتى 2020 و جاتني الحالة ضيق التنفس و الكتمة فالصدر أما قبل كان عندي انقطاع التنفس مرتبط فقط بالأكل و أي وسواس يجيك فبالك دزت منه وسواس الموت ، فقد الأهل ، مرض بجميع أنواعه أي حاجة طيحلك فالبال 😁

الحمد لله ربي كتب علينا هادشي لازم نرضاو بيه و إن شاء الله يكون العوض من عنده ربي ماكيخلي تا واحد بلاش
باش منساش واحد الوقت كنت مواظبة على القيام في الثلث الأخير و الأذكار و صلاة الفجر و قراءة القرآن و الحمد لله كنت كنحس بواحد الراحة و الخوف مشا نوبات الهلع مبقاوش لدرجة أنا وليت كنقول مالهم مابقاوش كيجيو على مبانلي خاصنا نتعايشو مع هادشي و صافي
الحمد لله الصبر هو الحل حتى ربي يفرج من عنده

أمين يا رب الله يشافي الجميع