المشاركة الأصلية كتبت بواسطة عيون متفائلة

حياك الله أخوي

جزاك الله خير على الاهتمام بالرد

تدري وش المشكلة مو في الكوابيس

الحمدلله مع العلاج مافي كوابيس

اول الكوابيس تباغتني اذا صليت الفجر و قلت اذكاري و جيت انام
لها توقيت محدد و عبارة عن مطاردات و رعب و تكون من رحمة الله قصيرة
بسرعة اقوم ارجف و اتعوذ من ابليس و انام


لكن مع العلاج النوم نفسه يختلف
جودته
نوعيته
مو بس طويل و مقطع
المشكلة نايم صاحي
نومة ذيب
عقلك شغال كأنك تتابع اليوتيوب بس ما تكمل المقاطع
صور متلاحقة ، تتفاعل مع كل مقطع بتفكيرك و مشاعرك و انفعالك ثم ترجع للمقطع الأول و هكذا
بس الفرق انك تكون جزء من الأحداث يعني معاهم



تدري أقرب شي اليوم

بعد ما صليت الظهر و كتبت الموضوع غفيت
الا بدأت السيناريوهات المختلفة
صحيت و انا اكمل حواري مع جدتي الله يرحمها عن يميني و امي قدامي وسط جمع من الخلايق
اهرج اهرج اهرج بصوت عالي
و استحيت قلت يارب ما يكون أحد سمعني

إلا الوالدة بعد ما ظهرت من الغرفة تقلي : اسمعك طولتي و انت تكلمين بالجوال معصبة سلامات ايش فيه

قلت لها يعني كم قعدت اتكلم تقريبا
تقلي قريب ربع ساعة

تخيل ربع ساعة اتحاور معاها و مع جدتي و مع باقي اللي حولهم
في الحلم فقط


عذرت اخوي الله يشفيه يوم بسبب أدوية الذهان يقعد يتكلم و انا ارد عليه و يتحاور معي
كله و هو نايم
ما دريت انه جهد نفسي فظيع الله يسامحني

تراه جهد كبير على عقل النايم انه يناقش و يرد


ثاني شي انا عندي فوبيا من تغيير العلاج

انا يوم شفت كثير من الأعضاء الله يعافيهم ما بقوا علاج ما اخذوه لين دخلوا على ادوية الذهان تعقدت

لدرجة الواحد يحكم على العلاج من أسبوع لعشرة ايام ثم يبدله

اخاف تصيبني هذي المتلازمة ( متلازمة تغيير العلاج ) و يروح عمري ما وصلت
: (