المشاركة الأصلية كتبت بواسطة عيون متفائلة

شوف يا خوي انت لا تندم على ما فات
تبي تتعب زيادة

الزواج زي الموت يصيب في وقت محدد مع شخص محدد

ربي يقدره على الواحد و هو في بطن أمه

انا من يوم كنت بالمتوسط ودي اكون عائلة

لأنهم فتحوا عيوني من يوم عمري ثمان سنين ، اسمع الحريم يقولون محجوزة لولدي ، حتى محارمي الرجال ما سلمت منهم شغالين حجز لعيالهم
حسسوني ما يجي عمري عشر سنين الا و انا في بيت الزوجية

هل تسمع بالمثل اللي يقول. : اذا أكثروا خطابها بارت

هذي انا .. و استمرت الخطبة على مر السنين ، كلن يخطب و يروح لين قبل ثلاث شهور و لكن ربي ما كتب

الواحد يقول عساه خيرة .. بل هو خيرة

كل ما يكتبه ربه على عبده خيرة

قد يكون الواحد ربي جنبه المشاكل و عدم الاستقرار او فقد الولد اللي هو أصعب من فقد الروح

كله خيرة

و ما فاتنا شي الحمد لله

اللي ما حصلناه بالدنيا نبي نلقاه قدامنا بالآخرة

الرحمن الرحيم لا يمكن أن يجمع على عبده عذابين سبحانه

اهم شي احتساب الأجر و الرضا عن أقدار الله

من رضي عن الله ارضاه الله

اي من رضي عن اقداره جل في علاه

ربي يجعلنا وياكم من الراضين السعداء في الدارين
و جميع المسلمين
اللهم امين يارب العالمين