المشاركة الأصلية كتبت بواسطة عيون متفائلة

تدري يا خوي ربي حط الاهل سبب لانه ما كان مقدر لك ذيك الفترة انك تتزوج

لو أراد وقتها كان ساق الزوجة لين حدك و تيسرت كل التكاليف ، لانه ما منع شي حنا نرغبه بشدة الا لحكمة نجهلها

مثل الابو اللي يمنع عن ولده قطعة الشوكولاتة لانه مريض بالسكر ، تلقى الولد يلوم على ابوه لانه منعه بينما لو أعطاه ما يحب كان مرض و تدهورت حالته

و انت وش دراك ان الزواج في ذيك الفترة بالذات كان خيرة لك ، يمكن ربي جنبك ويلات عدم التوفيق و كسرة القلب ثم الصدمة و الصدود عن كل النساء

مو بالضرورة الشي اللي نتمناه انه راح يسعدنا بل ممكن هو سبب شقاءنا

اهم شي يسلم الدين لان المصيبة لم تكن مصيبة اذا كانت في غير الدين ، كيف الواحد يبي يقابل ربه ساعتها و هو غاضب عليه ، نسأل الله السلامة

بعدين يا خوي ابو نجلا ترى ما فاتك شي ، الزواج ما له عمر محدد و تراه ما يخضع للظروف ، يعني لا تقول فلان ما يملك شي من حطام الدنيا كيف يبي يتزوج ، ربي اذا اراد العبد استطاع ، يبي يسوق لك كل التساهيل و تبي تتدبر ما احد يموت من الجوع او بدون عشاء

الكريم اللي يرزق الهوام في جحورها ما يعجز عنا


يا الله يا اللي من ترجاك ما خاب
محيي العظام الباليات الهميدي
تفرج عن من دمعه ع الخد سكاب
و حلو الكرا عن موق عينه بعيدي