المشاركة الأصلية كتبت بواسطة عيون متفائلة

بعدين انا ما راح امدح نفسي و اقول من يومي عندي قصر امل ، من فضل الله علي فتح الله علي بفضيلة قصر الأمل يوم توفى اخوي الله يرحمه قبل ثلاث سنين و عليها

اخوي الله يرحمه صابه الشلل فجأة و هو ما كمل عامه الثلاثين و توفي بعده بسنتين كذلك فجأة

كنت انا بفضل الله يوم اختارني ربي لشرف خدمته و القيام بشؤونه لين اسلم الروح لباريها ..

يوم كان مشلول كنت اقلب فيه كل صباح و عند النوم اغير له و اعطيه اكله و علاجه
و كنت القى صعوبة يوم اقلبه على جنبه و هو وزنه قريب من المية و طوله ١٨٤
كانت عظامي و مفاصلي و ظهري تتحلحل صواميلها و اتعب يوم أجي أضع جنبي على فراشي و كنت اقول في نفسي لو صار عمري سبعين كيف اقدر اقلب فيه

الله أكبر .. سبعين سنة



طول امل فظيع .. توفى فجأة بعد ما كنت عنده و مشيت و رجعت له لقيت فارقت روحه جسده

كنت حاسة انه ما راح يطيب لكن اللي ما توقعته إني اودعه بدري


أسأل الله الكريم أن يجمعني فيه بجنة الفردوس الأعلى من الجنة