نفساني - عرض مشاركة واحدة

11-12-2024, 03:53 PM

شوفي اختي عشان اكون معاك صريحة

بالنسبة لي من تجاربي مع الأدوية

للأسف مافي علاج خلى عندي إقبال و انشراح و دافعية

بالعكس اعتقد الأدوية تسبب بلادة و عدم اكتراث من ناحية أزمات حياتك بحيث يقل تفاعلك و من ثم انفعالك

الشي اللي يخلي قلبك يرجف رجف المكينة يزول

الشي اللي يخليك تفكر ليل نهار لدرجة الهلع و الوسواس يختفي

و تراها نعمة كبيرة
ماهي بسيطة ان قلبك اللي يخفق خفق العصفور اللي بلله القطر مدة ٢٤ ساعة يهدا و يسكن

احنا نحتاج للانشراح لانه يبي يخلينا نقبل على الحياة و هذا لا يتوفر غير في الطاعات من تلاوة للقرآن الكريم و ذكر لله ..

الله يجعلنا وياكم من الذاكرين لله و الذاكرات

اما الأدوية النفسية بصراحة ما اعطتني اياه لأنها كيميائية و الصناعي لا يمكن يكون نفس الطبيعي سبحان الله العظيم

صامدة رغم المحن معجب بهذا