نفساني - عرض مشاركة واحدة - قصتي من البداية مع المرض النفسي و علاقته بالإصابة الروحية ..

27-12-2024, 09:00 PM

السلام عليكم ورحمة الله وبركاته

حياك الله اخونا ابو امل

نرجع لحديثنا

ترى ما هو كل كابوس جاثوم

الكابوس عام قد يجثم على الصدر يمنعك من الحركة ، و قد يقيدك بحيث تبي تصحي ما تقدر

اهم شي انه قيد عشان كذا قالوا جاثوم

يجثم على = يقيد

بحيث يكون بيدك مسدس تبي تطلق على العدو ما تقدر تضغط على الزناد ، أو معك سيف او خنجر بس ما تقدر توجهه او تبي تستنجد بأحد بس ما يظهر صوتك

يجي بصورة مطاردات او مخلوقات بهيئات بشعة

و هم على انواع اما فاسق متحرش معجب ممكن يكون عن طريق عين معجبة ، أو منتقم تكون انت آذيته من حيث لا تقصد و انا سبق ذكرت عشان عقولهم صغيرة ما يلمسون العذر حتى لأطفالنا اذا اذوهم بدون قصد ، لذلك لازم نحرص على تحصين أطفالنا و نعلمهم يتحصنون باذكار الصباح و المساء لو بآية الكرسي ،
و النوع الثالث يكون ظالم احد ارسله عن طريق سحر

و احيان العين اذا اهملت الرقية و طولت تتحول لمس و احيان لسحر و يصير العارض يجدده ماهو شرط تتوقع أن فيه انسان حاقد عليك يجدده

هم يجددوه الله يهديهم و يبعد اذاهم

ثاني شي ما انصحك تحاورهم لانك تعطيهم وجه و تقويهم و هذا نهج السلف الصالح ، ان الراقي الكفؤ الفاهم ما يتحاور معهم لسببين حتى ما يعطيهم أهمية و يتمادون في الأذى و عشان هم كذابين ما تاخذ منهم فايدة و لا جملة مفيدة يشتتونك و يحاولون يوقعون بينك و بين اهلك و جماعتك