نفساني - عرض مشاركة واحدة - تعرضت لتجربة قلق شديدة و من وقتها و انا تعبانة

18-01-2025, 09:52 AM

السلام عليكم ورحمة الله وبركاته

حياكم الله أخواني
جزاكم الله خير على دعمكم و دعواتكم

الفافرين استمريت عليه فوق الشهرين و اخذت معاه باسكوبان بس مافي فايدة

انا ادري ان الأعراض الجانبية الفترة الأولى فقط لكن هذا لازمني على طول تجننت الام و غثيان مستمر على طول

و بعد ما تركته تدريجيا ارتحت كذا شهر بس مو الراحة الكاملة يعني الوسواس و الخوف يتردد لكن اقدر اسيطر عليه بأمر الله ، ما يسبب خفقان قلبي

لكن بلاي فوق زيادة الرعب و الوسواس الان قلبي زي الماطور ما يوقف . من امس العصر لليل راسي يفور الظاهر حتى ضغطي ارتفع ، كنت احس بالدم و هو يفور داخل جمجمتي بدون مبالغة و بعدها دفنت راسي بين مخدتين و غمضت عيوني استعداد للجلطة أعوذ بالله

و تذكرت جدتي الحبيبة الله يرحمها أغلى مخلوق في حياتي جاتها جلطة في الدماغ جلست اسبوع في العناية المركزة فاقدة الوعي و ودعتني
مع ان كنت قبل تنام و انام معاها اتكلم و تمسك يديني و تبوسها كأنها تودعني بس انا ما فهمت

ماكان احد احن عليا في الدنيا قدها ، اعد الايام و السنين عشان ارتقي عندها و الله ما ابغى الحياة لولا امي و اخوي معتمدين عليا اعتماد كلي في كل شي، كأنهم أولادي كذلك قططي المسكينة تعتبرني امها

كنت بالصف الرابع ابتدائي امر على جدتي الله يرحمها كانت تسكن تحتنا، الوحيدة اللي تمدني بالأمان في ذي الحياة
كنت اقلها و انا علي اختبار يا جدتي انا ودي اموت قبل الاختبار زي عمي فلان ، اقصد عم امي الله يرحمه و يرحم أموات المسلمين.، لانه توفى في ذيك الفترة

كنت من شدة الخوف أتمنى الموت و لا اختبر

تراه مو قلق ، خوف و رعب غير اني بنفس يوم الاختبار اتلعثم بالكلام و لا افطر و ألم ببطني و رجفة في قلبي

مع اني ما كنت من المتفوقات ، مستواي متوسط لكن مدري ليش اخاف اخفق حتى لا احد يحاسبني او يتعامل معي بعنف سواء بالمدرسة او البيت

عاد اول المدارس اصلاحيات ماهي مدارس ، تعنيف و ضرب على اتفه شي ، كنت استفرغ في الطابور من شدة الخوف يوم تمر جنبي معلمة او عندي اختبار

حتى في حياتي أسعى للكمال ما هو عشان الكمال حتى ما احد يلومني او يتهمني بالتقصير

مدري ليش اتأثر و اتعذب اذا احد فهمني غلط او اخذ عني فكرة سيئة

مع اني ادري ان الخسيس في هذي الدنيا أكثر من الاجودي
و الخبيث أكثر من الطيب ، يعني مافي احد ذو قيمة او يستحق اني احسب حسابه او اهتم بصورتي قدامه

الظاهر ان عشان نفسي ، عشان ما أسقط من عين نفسي

انا مدري ليش كتبت ذا الكلام ، ما ابغى احس باختلال الآتية ، لي كم يوم ما عاد اطالع بالساعة او ارتب يومي ، ما ادري عن شي، لا عن أدوية امي و اخوي و لا اكلمهم
احس كأني داخل بحر و الأمواج حولي ما احس بالوقت و لا المكان ، حتى يوم يأذن اتفاجأ، اول ادري انه يبي يأذن قبلها بدقايق
اصلا ما دخل في جوفي غير التمر ، اكل منه كم حبة في النهار و زيها بالليل ، و بصعوبة ابلعها من الغثيان