المشاركة الأصلية كتبت بواسطة عيون متفائلة

يا هلا يا هلا يا وجه الخير

أرحبي تراحيب المطر

الحمدالله حمدا كثيرا الخوف و الوسواس خف و كذلك الرهاب و الحمدلله بس باقي الأعراض اللي ذكرت

تدرين اني فوق سبع سنوات ما حضرت مناسبة و لا رحت سوق او مول كله بسبب الرهاب

ما غير اراجع المستشفيات و الدوائر الحكومية فقط

قبل كم يوم رحت انا و اخوي مستشفى الصحة النفسية لان عنده مراجعة ، اول مرة اطلبه من بعد ذيك المدة يوافق نمر احد المولات القريبة بعد ما طلعنا من المستشفى عشان اشري و انت بكرامة حذاء ، لأن حذائي اشتكى و تساقط جلده و تفتت و تغير لونه ، من خمس سنين صابر ، كله عشان ما اقدر اطلبه اونلاين زي باقي الاحتياجات الأخرى لان مقاسي يتفاوت ما بين ٣٨ و ال ٣٩ و مالي خلق استبدل

و اول ما قسته و جاء على مقاسي ما فكيته خرجت فيه و رميت القديم اللي سبب لي الاحراج
حتى ان الموظفة قالت هاتي القديم احطه في العلبة ، قلت معصي تشوفينه و رميته في سلة المحل و قمت اضحك و هي تضحك ، فهمتني قالت عادي مافي مشكلة

و الله شعور جميل ما كنت حاسة بخوف بس اخوي طول الوقت متوتر يبينا نرجع البيت بس تحمل عشاني

بعدين قلت له لحظة بروح دورة المياه و انت بكرامة ، خدعته و مريت احد محلات الوجبات السريعة طلبت وجبتين برجر قال ناكل بالبيت قلت تبرد خسارة و بالقوة رضي نجلس على احد الطاولات ناكل ثم توجهنا للبيت

كنت احس كأني طالعة من سجن

اول خوف و قلق و توتر طوال الوقت غير رهاب الخروج اجلس في عذاب لين ارجع البيت و لا يمكن افكر امر محل غير المكان المطلوب و اللي يكون يا مستشفى او دائرة حكومية

اذكر الوالدة العام طلبت امر المكتبة تبي غرض ما قدرت امر من الرهاب و القلق ، يا دوب راجعت الدائرة و رحت البيت مع ان المكتبة جنب البيت

بس قعد لي الخمول و ثقل الراس ، حتى صار غسل الكوب مجهود لا اطيقه و ما اتحمل تخليصه من أثر الصابون و انا اغسله لدرجة اتنهد من ضيقة الخلق

ضيق خلق فظيع و غلقة و الحمد لله على كل حال

يارب ان كل ذا يروح و القادم يكون أجمل علينا جميعا يا كريم

ربي يسعدك على سؤالك و نثر عطرك حبيبتي