نفساني - عرض مشاركة واحدة

05-02-2025, 09:15 PM

فيه شي بغيت اضيفه

حتى من شدة الهشاشة النفسية و عدم التحمل صرت اتجنب الاخبار و النت بالعموم

من يوم اشوف خبر او جريمة او احد يعاني أعوذ بالله الهوجاس ما يفارقني و أتمنى الموت

انا اصلا من زمان أتمنى الموت ، بس يزيد شعور التمني و فوقها اقلق و اتعب و يبدأ الوسواس

لان وسواسي مرتبط بزيادة الخوف و القلق

لو ربي يفكني من الخوف و القلق بإذن الله تعالى ما أوسوس

و مين قال لك أفكر اترك العلاج

خلاص توبة

عشر سنين و انا اتمنع مخافة النوم الطويل و ضياع المسؤوليات لين الوسواس داهمني من رمضان الماضي و أدبني، أعوذ بالله مو بس صرت خارج التغطية و المسؤوليات، حتى النوم اللي اخاف من طوله انحرمت منه

تخيل رحت اليوم الرابع من انعدام النوم في رمضان لاقرب مجمع طبي جنبي و انا دايخة اترنح ، أبنام ما اقدر ، قلبي زي الماطور يرجف ، كل شي فيني ساكن الا قلبي

يا رجل ساعة أو ساعتين اقوم بالمهام مجتمعة و لا اني اعوذ بالله انحرم من النوم بالايام و فوقها وسواس و هلع و رعب و قلق لاني بسماء و لاني بأرض

و الحمدلله على كل حال

وش ديتها يعني ؟

اهم شي اكلهم و ادويتهم اهتم بها حتى لو انتهى اليوم ما سويت شي

وش يعني ملابسهم تتكدس او المواعين تتجمع

و لا العذاب اللي كنت فيه و الله المستعان

و الحمدلله على كل حال

ربي لا يورينا وياكم مكروه و لا يوري مخلوق

اللهم امين يارب العالمين