نفساني - عرض مشاركة واحدة

17-03-2025, 04:48 AM

و عليكم السلام ورحمة الله وبركاته

حياك الله اخونا

سبحان الله العظيم الغريق يبي يتعلق بقشة

العام قعدت ابلع من العصفر لين انطبخ عندي المريء انواع الحرقان ما خليت شي ما بلعته كود يخفف الحرقان و لا استفدت شي من العصفر مع انهم قالوا يطير الخلعة و الخوف

حتى عشبة الاشواقندا جبتها من الصيدلية كبسولات قعدت ابلع منها لين نصف العلبة و ماش ، حبوب المص الخاصة بالحلق فادتني أكثر منها

يوم تقرا تجارب الناس غصب تتحمس و تجيب و تشري كود تنتفع بالتجارب لكن سبحان الله ما كل تجربة تفيد

المشكلة يقعدون يمدحون و يمدحون لين يحسسونك ان اللي يتحدثون عنه ضرب من السحر و تقول بنفسك انا ويني عنه ، يا شيخ لو بالمريخ عندك استعداد تجيبه

الغريب ان الاكسترا بنادول يوم ابلع منه حبتين يهيج مشاعري يخليني اذكر الأول و التالي ثم أنثر غزير الدمع بس بعدها ارتاح

كل ما تجمدت دموعي و قعدت فترة مختنقة اقوم ابلع منه حبتين و مافي نصف ساعة الا تهل دموعي حتى لو كنت بالشارع . ودي اعرف السبب

سبق قالوا الأخوان هنا بسبب الكافيين الموجود فيه ، ما أظن يبي يكون أكثر من الكافيين الموجود في دلة القهوة اللي ابلعها كاملة بدون دمعة

سبحان الله العظيم و لله في خلقه شؤون