نفساني - عرض مشاركة واحدة

20-03-2025, 06:32 PM

احس حزام يلف روحي احس خطواتي محسوبة ماني قادرة احس بالانطلاق اللي قبل العلاج
خوف و وسواس ، تعبت طوال الوقت اقعد اتجاهله
كأنه احد ملازمني في كل مكان يذكرني و يخوفني
ماني قادرة اضحك و لا موقف يضحكني

اليومين اللي راحت تركت العلاج مدة ٤٨ ساعة قعدت اضحك من موقف لاحد عيالي القطط قعدت اضحك ضحك متواصل هستيري
من زمان ما ضحكت ، من شهور من يوم اخذت العلاج
احس مشاعري تحجرت مافي تفاعل

مع ان لما افكر في الموقف اللي خلاني اضحك حسيته ما يستدعي كل وصلة الضحك ذيك
بس وقتها فعلا ضحكني لاني كنت قاعدة اكنس المكان اللي فيه أولادي القطط . و كان فيه كرتون طايح ، جاء القط توفي و قعد داخله عشان خاف اني ارميه داخل كيس النفايات و انا انظف ، لأنهم يموتون بالكراتين ، و انا اي كرتون ما ارميه اخليه لهم يحبون يقعدون داخله لين اذا تفتت بسبب الخدش او تلف اقوم ارميه ، و هو ماشاء الله تبارك الله أذكى القطط عندي ربي يحفظه ، قعد فيه لين تأكد اني غادرت المكان تطمن و قام و ترك الكرتون
انا وقتها فصلت من الضحك على ذكاءه تبارك الرحمن

حتى هو الوحيد اللي يفتح الشباك المغلق يقعد يحذف كتفه عليه لين ينسحب و يفتح و كذلك الباب اذا مغلق يقعد ينقز على يد الباب لين يخرج اللسان و ينفتح الباب
تبارك الرحمن

ابرجع ان شاء الله أرد
جزاكم الله خير الجزاء

ادعوا كثير الليلة و باقي الليالي يارب نوافق ليلة القدر و يتقبل ربي منا و من جميع المسلمين