نفساني - عرض مشاركة واحدة

19-04-2025, 02:46 PM

بس زمان كان الأزواج في زمن الأجداد و الاباء يصبرون .. الان قل الصبر بسب عدم احتساب الأجر في عذر الاخر ..

ما يعذرون بعضهم ، لين القلوب تمتلي قيح و صديد ثم يكون الفراق ..

يعتبرون الزواج معركة لازم فيها رابح و خاسر ..

الرحمة قلت و الاحتواء انعدم ..

انا ما اتكلم عن الأزواج و الزوجات اللي ما يتعاشرون اصلا ..

قلعة وادرين .. وش موزم الواحد أو الوحدة يتحمل اناني قاسي ما همه الا نفسه ما يرحم و لا يخاف ربه ..

النرجسي اصلا لا يحب و لا يتعاطف و لا عنده تأنيب ضمير .. حتى عياله ما يحبهم ، ما يعرف يحب الا نفسه و هواه و ما وافق هواه ..

انا اتكلم عن الاسوياء اللي على الفطرة ..

إذا صار بينهم تفاهم فكري يبون يحبون بعض غصب عنهم و يعذرون بعض ..

لأن لا يمكن تبي تتحمل شخص أو تسافر مع شخص أو تتقبله بدون ما تعذره ..

العذر يدمح الزلة ، ممحاة فورية للزعل و الشحناء ..

يتعود الواحد ان لكل كلمة أو موقف يجعل له عذر حتى يرتاح و يريح ، الا فيما يغضب الله طبعا ..

ياخي الواحد يمرر للغريب ، كيف بمن يشاركه حياته و اكله حتى فراشه ؟

البهيمة و هي بهيمة لا أحسنت إليها تبي تتعلق بك و تتبعك وين ما تروح ..

المخلوقات كلها مو بس ابن آدم مفطورة على حب من يحسن إليها ..

ارجع اقول كلامي عن العموم الاسوياء .. لا يجي احد يكتب : بس البعض ناكر للجميل

( البعض ) يعني الشاذ النادر و العرب تقول الشاذ لا يقاس عليه ..

يتبع أيضا