المشاركة الأصلية كتبت بواسطة عيون متفائلة

حياك الله أخونا ابو امل

الدولة حفظها الله ماهي مقصرة .. طول عمرنا عايشين من خيرها ، كانت تصرف لكل واحد منا ١٢٠٠ بالإضافة لتقاعد الوالد رحمه الله ١٥٠٠
و كنا نعتاش الحمدلله و نسدد الإيجار ما علينا مستورين و حامدين و شاكرين

بالسنوات الأخيرة غيرت الوزارة قراراتها و صارت تستهدف فقط الفئة المعدمة اللي بالأصل ما عندها دخل و تعطيهم .. حنا في نظرها دام ناخذ ١٥٠٠ شهريا من تقاعد الوالد ما نستحق ، لذلك بدال ما كانوا يصرفون لنا حنا الثلاثة ٣٦٠٠ .. قلصوها لين ٨٠٠
شالوا قريب ٣٠٠٠
و من وقتها اختل ميزان كل شي حتى عقلي و تولجني الخوف و الوسواس و الله المستعان

فقط ٨٠٠ تنزل في حساب الوالدة شهريا على حس التقاعد ابو ١٥٠٠
اتمنى تكون فهمتني

ال ٣٦٠٠ اللي في الماضي كنا نسدد منها كهربا و إيجار و عايشين ما لنا من الشيطان طاري
و هذا ينطبق على كل المستفيدين

المشكلة الغلا كل ماله يزيد .. اسعار الأغذية العام تختلف عن ذي السنة .. و كل ما لها في زيادة ..
الغلا عالمي ما يخصنا حنا لوحدنا ..

انا ادري ان الأقارب ملزمين فينا خصوصا انهم تبارك الرحمن عايشين الترف بألوانه الله يزيدهم من فضله ..

و لكن من وين أجيب احساس للي ما يحس ..

بالنسبة لعماني ما عندي الله يرحمهم جميع

فقط خوال و خالات

و كانوا يقولون لنا الخال والد .. لا شفت الخال و لا شفت الوالد


خالتي ام ٥٠٠ ما تتهادى هي و صديقاتها غير بالذهب .. بينما تشوف ال ٥٠٠ في اختها و عيال اختها شي كبير .. ما يستاهلونه .. قلبها ما يطاوعها .. كثير زيها نسأل الله العفو و السلامة


دايم يوم اتامل ايات القران الكريم تحرص على ذوي القربى .. كل خير الأقارب هم أولى بوه ..


لا تخليني احلف لو انسجن على ديوني ما احد يبي يطل في وجهي و يطلعني منهم ..

اللي يعمل يبي يعمل لنفسه ..
المشكلة ما احد يستوعب ان اللي ينفق ربي يخلفه في الدنيا و الآخرة ..
في الدنيا بركة و يرجع له المال اللي انفقه و زيادة و بالآخرة يكون حايل بينه و بين الشمس يوم تقترب الشمس من الخلايق قدر رمح
غير يفرج عليه كرب يوم القيامة .


هم مشكلتهم ما يصدقون كلام ربهم نسأل الله السلامة .. ما يصدقون كلامه اللي ورد في الكتاب و السنة . ما يستطيعون يصدقون لان مالهم أغلى شي عندهم ..
مالهم يعتبرونه غنيمة ، كأنه عار لا يمكن احد يغنمه أو يمسه .. و فوق ذا يخافون من عيون الناس ..

تلقاهم طايحين على الدنيا و ابو بلاش عشان ما يصرفون منه ، كيف تبغاهم يساعدون بوه الغير حتى لو كانوا أقاربهم .. ما يستطيعون

اللهم اكفنا بحلالك عن حرامك و اغننا بفضلك عمن سواك


بالنسبة للنقطة الأخيرة ما فهمتها ليتك توضحها عشان ارد عليها

تقول حذاري من طاعة الله لأجل أمر من أمور الدنيا

ما فهمت