المشاركة الأصلية كتبت بواسطة عيون متفائلة

السلام عليكم ورحمة الله وبركاته

حياكم الله جميعا

الموضوع يبي له تركيز و انا صرت يوم اركز اصدع

لكن بحاول و اجري على الله و اكون حيادية

اول شي الأخ ما قال كل الناس مو مرضى نفسيين و لا يحتاجون أدوية نفسية ، قال أكثر الناس



ثاني شي كل واحد منا ، انا اتكلم عن اغلب الموجودين ما هو بالسهولة عليه يتحمل الاعراض الجانبية للأدوية الا لو فعلا اللي حده عليها الأمر منها

هل نترك مريض الفصام اللي يبي يقتل غيره و ينتحر ينفذ وعيده بدون أدوية ؟

كذلك الوسواس اللي يخص اجترار الأفكار بغى يفقدني عقلي لدرجة اسمع الاذان ما ادري هو لأي فرض ..

رعب خوف قلق طوال الوقت قلبي يرجف رجف المكينة


مع اني متعايشة مع رهاب الخروج فوق عشر سنوات ما حضرت مناسبة و لا طبيت سوق

و إذا رحت الصيدلية مكرهة و جنبي استاند مستحضرات التجميل اللي تستهوي كل الإناث حتى الأطفال منهن ما عندي فضول اتفرج من شدة الرعب فقط ودي اتغنم السلامة و ارجع للبيت


و مع ذلك يوم كنت اشرح حالتي هنا الكل كان يقلي تناولي علاج و انا صاملة ما تناولته غير يوم تولجني الوسواس الله لا يكتبه على مسلم

طوال العشر سنوات الماضية ما احس بالأمن الا داخل جدران بيتنا

حتى مو أمن كامل .. اخاف و اقلق لكني متعايشة اهم شي ما أظهر خارج البيت .


و صبرت لين داهمني وسواس اجترار الأفكار ثاني يوم برمضان اللي قبل الماضي . حاولت أتصدد عن الأدوية عدة شهور لين بغيت افقد عقلي

لذلك ادري انك ناصح لكن صدقني الكل عنده مسؤوليات و دوامات و التزامات و عوايل مو فاضي يقعد سجين أفكاره و غرفته لذلك تلقاهم متضايقين منك .. زي اللي يقولون لك انت ما تحس فينا

و بعلق في رد اخر عن قصة سيدنا يعقوب مع ابنه يوسف عليهما السلام