نفساني - عرض مشاركة واحدة

10-05-2025, 05:10 PM

اقتباس:

المشاركة الأصلية كتبت بواسطة محمد سين

لا لا لا ما تتردين والله راح تشوفي العجب مع الرياضة
ومش لازم تتكلمي كثير مع الناس
خلي هدف انك رايحة للرياضة وتخيلي الإنجاز اللي راح يصير بعد التعب
أنا رايح الأيام الجاية إن شاء الله لأن الرهاب خف الحمدلله
والله لو قلت لك عن رهابي الغريب العجيب يمكن تنصدمي فانت ايش اللي مقعدك؟

حياك الله اخوي

بالعكس انا اجتماعية و اطيح من اقصاي على الخلايق

و انا اللي ابادر اتعرف و اسولف و ابتسم و اطقطق على نفسي و على المكان .. يعني تبارك الله ما اغلب في الدخول مع الناس عرض ، ما اغلب في فتح حوار او نقاش لدرجة كل من في المكان يعرفوني من اول يوم و يعرفون اسمي ، ثقة لا متناهية الحمد لله بنفسي و قدرتي على جذب الاخريات لي ، لدرجة من بكرة يسعين للبحث عني

المستجدات اللي في المكان يفكروني اني صاحبة مكان من سنين ، ما يدرون اني مستجدة زيهم

يشهد الله مو مدح بنفسي ، الكل يقول ان لي حضور طاغي لكن ما يعلم بالقلب الا الله

بس البلا في الخروج نفسه ، كوني أظهر من البيت ،. اشيل هم من الليلة اللي قبلها ممكن ما انام ، و من يوم البس عباتي استعد للخروج يبدأ قلبي يرجف

بل على العكس ما أشعر بالأمان الا بوجود الناس حولي

بس الفكرة نفسها اني اخرج

هذي اللي للان ماني قادرة اتخلص منها

يجيب الله غيث ان شاء الله

محمد سين معجب بهذا