|
نداء الى الدكتوره فوزيه دريع
السيده الفاضله دكتوره فوزيه
انا سيده متزوجه منذ عشرين سنه وام لااطفال ،حياتي الزوجيه مستقره وزوجي يحبني ويحب اطفاله
بنت خال زوجي مطلقه لها اطفال هالايام تتحرش في زوجي،،،،،تحرشات بريئه لتلفت انتباهه وتزور بيت حمولتي دائما وتتحرى الوقت اللي يكون هو فيه موجود مع العلم بان بيت خاله لايزورون اهل زوجي الا بالعيد او برمضان لكن الاخت لزقت فينا وكل ماشافته تتضحك وتتلطف بالكلام حتى زوجي حس فيها
واذا شافته قامت تشكتي الحال بانها بروحها وبان اخوانها مافيهم خير وانها تكسر الخاطر وانها تخاف في سكنها اللي هي ساكنه فيه لانها بروحها ومن هالكلام
اخت فوزيه: انا انسانه فطينه وذكيه وافهمها وهي طايره لكن ماادري شنو اسوي بهالموقف المره تحاول انها تتقرب من زوجي وااخاف انه مع الوقت يلين لها مع العلم ان زوجي يموت فيني ولايصبر يفارقني
لاوالمشكله شنو طول عمري اقول رجلي سحت وجيكر اثاري الجيكر صار راغب علامه عند الحريم
تكفين اخت فوزيه اريد نصيحتك ماابي بيتي ينهدم والسبه هالمره
ولك جزيل الشكر
|