دمعه الم

بيانات اضافيه [ + ]

رقم العضوية : 8837  تاريخ التسجيل :  06 2005  أخر زيارة : 13-06-2005 (02:44 PM)  المشاركات : 2 [ + ]  التقييم :  10

لوني المفضل : Cadetblue

ارجو المساعده

السلام عليكم ورحمه الله وبركاته
انا مشكلتى متجوزه من سنه ونص وعندى طفل عمره شهور انا حاليا مع جوزى الحمد لله الى حد ما متفقين
ولكن المشكله ان كان فيه بينا فى السنه ونص اللى فاتوا خلافات كتير جدا ادت لمشاكل ومعامله سيئه ومواقف صعبه جدا عديت بيها بصراحه مواقف يستحيل تتنسى منهم واحد يوم ولادتى عاملنى معامله سيئه للغايه فى اليوم ده و لما بفكره باليوم ده بيقولى ما انتى كنت غلطانه
بس حتى لو كنت غلطانه المفروض يقف جنبى فى يوم زى ده ويأجل الخلاف ليوم تانى
ومواقف تانيه كتير جدا مش قادره انساها
بفتكرها كل لحظه يعنى ممكن اكون بتكلم معاه وبنضحك وفجاه افتكر موقف ويبان كانى سرحانه يقولى مالك اقوله مافيش حاجه
وافتكره وانا قاعده لوحدى وكتير ابكى قبل ماانام
مش قادره انسى
كنت الاول بفرح جدا باى كلمه مدح بيقولها وابقى مستنيه اى لمحه حلوه منه او كلمه رومانسيه
دلوقتى بعد المشاكل دى كلها احساسى قل كتير جدا عن الاول وحاسه ان كلامنا تمثيل لمجرد الحفاظ على البيت
حتى ابنى مش فرحانه بيه وكل اللى يشوف معاملتى له يقولى انتى مش ممكن تكونى امه انتى فاكراه لعبه مش خايفه عليه ومافيش عندك حنان تديهوله
مع انى طول عمرى بحب الاطفال وكان نفسى اجيب طفل
بشوف الامهات تفرح لما ابنها يتعلم يضحك او يطلعله اسنان لكنى انا لا
لدرجه انى رحت لدكتوره علاقات زوجيه لكنها مريحتنيش ركزت فى موضوع تانى
ركزت اكتر على العلاقه الحميمه وقالت دى اساس المشكله
بس انا حاسه ان دى مشكله ودى مشكله تانيه المشكله المهمه بتاعتى انا انى مش قادره انسى
ارجوكم فيدونى انا دلوقتى فى بيت بابا بقالى شهرين بس مش زعلانين من بعض يعنى بيجيلى وبروح عنده مع ان بينا 3 ساعات سفر
والمفروض دلوقتى ارجع بس خايفه جدا حاسه مع اول صدام حتكون دى النهايه لحياتنا مع بعض
انا دلوقتى بقيت فاهمه زوجى عن الاول بكتير يعنى ممكن اقدر اتجنب الخلاف لكن المشكله انى مابقيتش استحمل يعنى اى خلاف صغير ممكن يثور البركان اللى جوايه
يارب ماتهملوا رسالتى

المصدر: نفساني