12-06-2005, 11:16 AM
|
#1
|
|
مراقبه سابقه ( لديها حصانه )
|
بيانات اضافيه [
+
]
|
|
رقم العضوية : 6504
|
|
تاريخ التسجيل : 06 2004
|
|
أخر زيارة : 29-01-2015 (11:27 AM)
|
|
المشاركات :
2,685 [
+
] |
|
التقييم : 39
|
|
|
لوني المفضل : Cadetblue
|
|
مبقاش فيك يا قلبى مكان لجرح>>>من خواطرى>>هدية لمنتدى نفسانى
مبقاش فيك يا قلبى مكان لجرح
إتجرحت من القريب
وإتجرحت من البعيد
إتجرحت من اللى حبك
واتجرحت من اللى كرهك
اتجرحت من الى إشتراك
ومن اللى باعك
أتجرحت من اللى حسك
و أتجرحت من اللى فهمك
إتجرحت من اللى شافك
واللى سمع مرة عنك
إتجرحت فى الوصال
وإتجرحت فى البعاد
إتجرحت من البحر ومن القمر
ومن الليل والنيل والشجر
إتجرحت فى عز فرحك
وإتجرحت فى عز دمعك
إتجرحت من سكوتى
وأتجرحت من كلامى
أتجرحت من ضعفى ومن جنونى
اتجرحت برغم حرصك
وبرغم حصنك العنيد
وبرغم خوفك من السقوط
وبرغم إيمان يمحى أى جرح
وينسف أى ضعف
مبقاش فيك يا قلبى مكان لجرح
بس عمرك فى عز جرحك
عمرك يوم ما فكرت تجرح
عمرك حتى ما عرفت تكره
او تستجدى لحظه حنان
أو ايد تلم جرحك
أو حتى عين تلمح دموعك
أصلك دم مش حجارة
أصلك نبض مش بارود
حتى ثلجك فيه حرارة
وألمك ملهوش أنين
أصل دمعك مش تجارة
أصل نزفك نقطة..نقطة
وصراخك فى هدوء
بس لسه يا قلبى نابض
عشان لك يا قلبى عمر
لسه حلمك منتهاش
لسه عمرك مش لنفسك
لسه عايش بالعطاء
واللى فيك ملهوش حدود
لسه اللى جواك طفل
تبهره طياره ورق على شط بحر
بتاعته مش بتاعته مش مهم
عشان حياتك يا قلبى لسه ليها معنى
عشان فى زهور محتجالك
لسه فى قلوب مشتقالك
لسه فى عيون انت نورها
لسه فى قلوب عايشه بيك وليك
ادامك مش ناسيها
ولا بتتحاول تتناساها
ازاى وليه؟؟
و أنت عايش بيهم وليهم
بس دم مش حجارة
بس نبض مش بارود
لسه دمعك مش تجارة
لسه نزفك نقطة..نقطة
وصراخك فى هدوء
|
|
|
التعديل الأخير تم بواسطة جانين ; 12-06-2005 الساعة 02:19 PM
|