|
مشاكل كثيره ولله ارجو منكم مساعدتي
السلام عليكم ورحمة الله وبركاته
اشكر كل من قام بانشاء هذا المنتدى الجميل
اتمنى من احد الاستشاريين افادتي حتى ولو بمقابل مادي لاكن من غير لاتصل عليهم ومن غير لاروحلهم واقابلهم
المشكله
انا احس بالخوف احيان والهلع منذالصغر وفي المرحله الثانويه اجتزت هذا الشي
الان انا في سن 25 صارلي موقف في الصيف الماضي وبعدها ماعينت خير
بعد الموقف الي صارلي سرت ارتبك كثير وانحرج من الغرباء بصفه غير مستمره والحمدالله
وخاصتاً النساء يجني ارتباك مو طبيعي واحس اني بس ابي اطلع من المكان الي هم فيه لاستطيع التحكم في نفسيتي
احس بضيقه وضربات قلبي تزداد وكتمه ودوخه خفيفه لاجاني هالشعور
لاخفيكم ان الموقف الي صارلي في اثنائه كنت استخدم الحشيش والان لاستخدمه والحمدالله
لان اصلن ماقدر استخدمه لاني احس انه ياثر في عقلي وسرت اخاف بعد استخادمه ولي الى الان سنه ماستخدمته
كما احس ان اعصابي ماهي مثل اول يعني رعشه في يدي بشكل غير ملحوظ من الاخرين واذا ارتبكت او صارلي موقف محرج يزداد هالرجفه
كمان اذا كنت متضايق من احد اوم من الجلسه معاه يبان فيني اني حالة هالضيق
انا ابي افهم ليه حاس اني تغيرت
وليه لما ارتبك او انحرج عقلي احسه يتجمد عن التفكير
وكيف اقدر اعالج نفسي من غير مراجعة اطباء
وانا مهما كان اهمية علاجكم ماهستخدم حبوب نهائياً واخاف من هالاشياء اصلن انا
اخيراً الله جزاكم خير وربي اني تكلمت بصراحه وارجو ان القا رد
تصور انتم ي استشاريين الحين مانتم يمي وانا يدي تخابط على الكيبورد من الحياء منكم ومن موضعي
بس ارجو ان تفيديوني
والله يخليكم زي ماتفقنا ترا مافي لا اتصالات ولا زيارات عيادات
واسمي ترا مو نواف هذا اسم مستعار
ويجزاكم الله الف خير وانشالله انكم تنالون الجنه والفردوس الي انشاالله انه يجمعنا فيكم هناك وانتم باذن الله مثابين على ماهتقدمونه
ومع كل احترامي وتقديري للكم ..... ااسف للاطاله او بعض الكلام الي ماعجبكم وشكرن
|