|
ريحــــــــونــــــــــــي!!
السلام عليكم ورحمة الله وبركاته
اريد حد يريحني لني فعلا تعبانه من كثر من افكر ومن كثر الخوف اللي فيني
مشكلتي اني حبيت شخص عن طريق النت وانا وياه نتواعد ع الزواج من دون علم الأهل
وانا خايفه من ربي اولا ومن ثم من اهلي لاني اسوي هالشي من غير علمهم
للعم انا انسانه متدينه اكيد بتسألوني كيف متدينه وتعرفني على واحد عن طريق النت
شو اسوي حبيبه وحبني .. وانا متأكده من حبه لي
لانه حب فيني اخلاقي وديني عشان كذا حبيته احس هو الانسان اللي بيسعدني
والله العظيم اللي اريده رضى ربي عليه .. شو اسوي ريحوني هل الطريق اللي اسلكه خاطيء
اهو بيجي يخطبني من اهلي لانه مايتمنى غير اني اكون زوجه وبس
بس اخاف اتحاسب واخاف من غضب ربي عليه
الحمد لله ما دخلنا في الغلط ولا قلنا كلام غلط والحمد لله انا ما اكلمه في المسنجر لاني اعرف ان الخلوه حرام .. فقط نتفق على الزواج عن طريق الايميل
ولا في حياتي قلتله اني احبك لاني اعرف انه هالكلمه كبيره عن الله سبحانه وتعالى
ما اقدر اقوله اني كلمه احبك لانه مهما يكون بالنسبه لي فهو يعتر رجال اجنبي
ولا يحق لي .. والحمد لله اصوم واصلي واقوم الليل واصلي الصحى
وادعي ربي ليل ونهار انه يجمعنا ..
بس خايفه من عضب الرب .. اريد ارتاح وما برتاح إلا يوم اتزوجه ويكون حلال علي
ساعدوني شنو اسوي وهل اللي اسويه حرام ؟؟؟!!
ريحوني الله يريحكم دنيا وآخره ويرضى علينا وعليكم الرحمن
اختكم الحائره
مكارم الأخلاق
|