نفساني - عرض مشاركة واحدة

23-03-2002, 02:42 PM

اخواني جميعا
في هذه الزاوية أريد طرح موضوع على مائدة النقاش وأتمنى أن يشاركني الجميع .

الموضوع يتعلق بالرجل الشرقي المتزوج بالذات ..وعلاقته بزوجته ..

أخبرتني احدى الصديقات أنها تعاني في علاقتها بزوجها من شئ واحد فقط .. زوجها مستحيييييييييييل يقول لها آسف ..ولو الموضوع متوقف على كذا كان أوكي .. المشكلة تتطور وتزيد ويصير لها أبعاد أخرى .

يعني هو ممكن يغلط ..بس ما يقول آسف وهو يعترف بهذا الشي لها
ويقول لها انه بدل اعتذاره بالكلام ..ممكن يقول لها مثلا .. وش رايك نطلع نتمشى ؟؟ وغالبا يكون مع العيال .. والله يسألها أسأله بشكل عادي جدا ..ولا كأن شي صاير .وينتظر منها اجابة ..ولأن خويتنا مهي طفلة ..بسرعة تزعل وبسرعة ترضى == بترد عليه وهي شوي مو في مزاجها
يقوم هذا يسألها ..وش بك ما تردين عدل ؟؟ ليه في شي؟؟
عاد هي يا اما تقول له لا ما فيني شي بس تعبانة شوي ...
أو تقول له ..ما أدري تسوي روحك ما تدري !!

وفي كلتا الحالتين بتصير هي الغلطانة وبيصير هو اللي كان مزعلها زعلان منها
وفي النهاية بتروح له هي وبتطلب منه يسامحها
على ايش بس ...... وش رايكم مهي مهزلة ؟؟

يقولون يقتل القتيل ويمشي بجنازته .
اي والله !

بس ليش يشعر الرجل الشرقي ان كلمة آسف تجرح كبرياءه ؟؟

لا والادهى من كذا انه يقنعها انها تعتذر له ويقول لها انت تكبرين بعيوني لين تعتذرين
تقول له احس انك تشعر اني اعترف بغلطي اللي انا ما سويته أصلا
وتمسكها علي !!
عاد هو يقول لها لا لا لا أبدا ليش اخنا في معركة يعني ؟؟ احنا زوجين وما في بينا هالسوالف هذي .. المفروض المرة تحترم كبرياء زوجها .

خويتنا تقول انها تشعر بالقهر وأشياء كثيرة تعتمل داخلها لانها هي الغلطانة على طول .

بس ياجماعة لمن قالت لي كذا جاء على بالي سؤال
هذا كبرياء في زوجها والا غرور ؟

بالنسبة للرجال اللي معانا في المنتدى :
ممكن تقولو لي وش رايكم بالموضوع
المتزوجين ==> تقولون لحريمكم آسف ؟ متى؟ وش تشعر لمن تقول آسف ؟ هل تشعر ان رجولتك انتقص منها ؟

لغير المتزوجين ==> ماهي تصوراتكم حول هذا الموضوع
يمكن صار لكم موقف مع امكم والا اختكم .... هل ستعتبرون ان الزوجة مثل الام والاخت في الاعتراف بالخطأ أمامها

انتظر ردودكم !

المصدر: نفساني