نفساني - عرض مشاركة واحدة - && ...الحقيـــــــقه المــــــرُه.....!!!!!

02-07-2005, 05:34 AM

أهم أسروها لخوفهم من هالأمر لأنه ليس مجرب عندهم وليس لأسباب دينيه
أما قيادة السيارة فلن أتكلم فيها لأنه تكلم فيها العلماء كثيراً وأما تتغير المناهج فالحمدلله مناهجنا فيها الخير والبركة وأحسن من مناهج أي دولة ثانية بس لو طريقة التريس هي إلي تتغير يعني مو يكون المعلم هو الإيجابي والمتعلم سلبي لابد يكون هناك تفاعل مستمر وطريقة تشوقهم وتجذبهم مو تشعرهم بالملل والطفش وفتح مجالات أخرى لعمل المرأة الحمدلله المرأة تعمل الأن في جميع المجالات المناسبة لها

لا تقولي الوازع الديني يا نور , فهم مسلمين مثلك تماما وربما افضل مني ومنك

صاراحة ماجبت طاري الوازع الديني وماأتهمت أحد في دينه ومنهم إلي تقصدينهم بكلامك أفضل مني ومنك مدري وش تقصدين رجعت الردي أتأكد وما شفت إني متهمه أحد في دينه!!

طبعاً الفساد في كل مكان ومافيه مجتمع خالي منه أبداً ولكن بما أنك ذكرتي الإيجابيات فلابد من ذكر السلبيات حتى تعالج والمجتمع المصري والنعم فيه وصراحة يعجبوني أهله يعتمدون على أنفسهم بأنفسهم وطيبين بس والله إلي يقهر بعض المسئولين فيها إلي معطين ضمائرهم إجازة طويلة ينهبون أموال الشعب ومخلينهم في فقر وإلا المفروض يكونون من الشعوب الغنية وعلى طاري المساعدات إلي قلتي أنها تقدم للشعب المصري من السعودية فأنا متأكدة أن الشعب مايوصل لهم إلا الفتافيت
وهذا مو في مصر بس إلا في كل البلدان فيها فساد وفيها خير ولانك جبتي طاري مصر ذكرت هالكلام مو كرهاً في مصر

اخبرين مالذي قدمتيه انت يا نور لهذا الاسلام لترفعي راسك به؟؟
صراحة ماقدمت له هو إلي قدم لي الكثير وبصراحة فيه طرق كثيرة نخدم الإسلام بها وكل وأحد على قدر إستطاعته وأقل شيء إن الشخص يقدم الإسلام لمثلاً لغير المسلمين بصورته الصحيحه مو يشوه صورة الإسلام ويتميز إيضاً بأخلاق المسلم الحميدة حتى يعكس صورة جيدة للإسلام
وأنا بدوري يأم مروان أسألك نفس السؤال:
مالذي قدمتيه انت ياأم مروان لهذا الاسلام لترفعي راسك به؟؟

صراحة عن نفسي ما يعجبني كلمة أرفع رأسك أنت سعودي وإلا أرفع رأسك أنت مصري أو مثل مايقول البعض أنا من قبيلة كذا وإلا من عائلة فلان لأن هذا من التفاخر إلي نهانا عنه الرسول فالرسول قال "دعوها فإنها منتنه" ويكفينا فخر أن الله كرمنا بالإسلام

ورأيي أن الحل هو أن السعوديين يعتمدون على أنفسهم بأنفسهم ويقدمون لوطنهم مثل ماقدم لهم ويتنازلون شوي على أنفسهم ويتركون إعتمادهم على الأجانب من مختلف الدول إلي ماخذين أغلب الوظائف والشباب عاطل عن العمل
وبذلك يكونون مواطنين فعالين نافعين بإذن الله