بسم الله الرحمن الرحيم

مشكلتي هي زوجي وما كتبت وطلبت المساعده الا لما طفح الكيل معاي وتعبت نفسيا ولا قدرت اني احل المشكله
يمكن غيري يشوف مشكلتي عادي او ما تستاهل طرحها لكن بنسبه لي متعبتني جد واحس انه صار بيني وبين زوجي فجوه بسبب المشكله هذي
الا وهي انه زوجي كرمكم الله يتقيئ ( يستفرغ ) بعد ما ياكل بحجة انه يحافظ على وزنه مع انه وزنه 115 كيلو وصار له 4 سنين على هذا لحال
والمشكله ايش انه يطلب من انه اطبخ وكل يوم طبخه جديده وبعد ما ياكل يروح يتقيئ
وبعد ربع ساعه يروح ياكل سناك اللي هي شبس بطاطس او حب او اي نوع شوكالاته او سندوش يعني يتقيئ الاكل الصحي ويروح ياكل اكل غير مفيد
او مثل يروح احسن المطاعم ويطلب مالذ وطاب وحق 4 اشخاص واحنا 2 بس وتطلع الفاتوره بالميه وبعد ما يرجع للبيت يروح يتقيئ ويطلب انه اسوي له سندوش او اي سناك موجود
مع العلم انه انا كثير تكلمت معاه باكثر من طريقه مباشره او غير مباشره انه اوضح له انه مضر لصحته وانه ما يستفيد شي يتقيئ المفيد ويرجع ياكل الغير مفيد بس بدون فايده

الحاصل انه انا اعاني من الاتي
صايره كثير اتقرف منه جدا جدا جدا وهذا شي متعبني
صاير بيني وبينه مشاكل من ناحيه ما ابي اروح للمطعم وهو يزعل والسبب انه ما ابي ياكل ويروح يتقيء وكمان يطلب كميه كبيره والفاتوره عاليا وهذا تبذير
وما اطبخ لانه اقول ليش اطبخ وانت تروح تتقيئ

ولا احد يطلب مني انه اتكلم معاه او اناقشه او احاول معاه ثاني لانه لي 4 سنين انحت في صخر بدون فايده
وكمان
اقترحت عليه اكثر من مره انه يعرض نفسه على دكتور عشان يساعده بس ما يرد علي لا برفض ولا موافق عدم مبلاه
اسفه على الاطاله بس اتمنى احد يساعدني ويشوف لي حل