نفساني - عرض مشاركة واحدة

24-07-2005, 02:45 AM

السلام عليكم ..

مرحبا اخواني الكرام ..
انا عندي مشكله اعاني منه ..
ومسببه لي تعب مو طبيعي وخووووف..

مشكلتي ..
انا احتقر الرجل..
بشكل مو طبيعي ..
كل ماحاول احسن نظرتي له ..القى عيوب زياده فيه ..
يومي يروح كله وانا اسب واعدد عيوب الرجل ..وكل يوم عن يوم يزيد احتقاري له ..
انا عارفه انه بيجي يوم وبظطر اتزوج ..بس نظرتي له مادري كيف بتصير ..
مادري شلون بقدر اعيش مع واحد انا اشوفه ولا شي..
اخوي وابوي صح احبهم لكن غالبا اشوفهم بنظره مو حلوه والمفروض اني ماشوفهم بهالنظره ..انا اعاتب نفسي دايم على هالفكره بس ماني قادره ..
كل يوم اشوف اشكال ازفت وازفت ونوعيات للرجال تخليني اعافهم ..
اول شي من طريقة معاملتهم ..واخير من زواجهم من الثانيه وهذا اكثر شي مكرهني بالزواج ..

حمدالله مامريت بحياتي بأي تجربه لا عاطفيه ولا غيره ..
لكن تكونت نضرتي للرجل من هالمجتمع اللي كل يوم اشوف فيه مشاكل تجيب الهم ..وتخلي الوحده تكره الرجل ..؟؟

تتوقعون ممكن فيه شي بيعدل هالفكره عندي ..
انا عارفه اني عندي نسبه من الغلط ..بس ماني قادره اغير هالفكره ..
لاني كل يوم صايره اقتنع فيها اكثر واكثر ..

تحياتي ..واتمنى الافاده منكم..

المصدر: نفساني