نفساني - عرض مشاركة واحدة - تعب وظيم وقهر ودمعه عين تنحدر (ساعدوني تكفون ماني قادره أعيش )

25-07-2005, 02:56 AM

تعب وظيم وقهر ودمعه عين تنحدر (ساعدوني تكفون ماني قادره أعيش )

السلام عليكم ورحمة الله وبركاته

وش أبداء وش أخلي صدقوني حتى حروف الكيبورد ماعدت أشوفها القهر ذبحني ..

أنا فتاة أبلغ من العمر 20 طالبه بالجامعه تعرضت لظروف أكبر مني ومن طاقتي وربي ماني قادره أعيش أحس داخلي يحترق نفسي أبتعد عن هذالعالم ..

طيبتي ذبحتني نيتي دايم طيبه مع بشر مايعرف غير الشر والنفاق ..

فكرت كم مره أروح لبلد بعيد مثل أمريكا أوكندا وأعيش فيها وسنحت لي الفرصه لذهاب بس أهلي رافضين هذالمبداء لأني من قبيله محافظه جداً وفكرت كذلك بالهروب عشان أرتاح من وضعي لكن خوفي على صحة أبوي وأمي منعتني ..

تحطمت من داخلي وأنا قويه وربي أقوى مني ماشفت تزوجت وعفت الرجال من أول ليله وأهلي لاموني وأقربائي لأن الرجال يبيني لكن ظليت على رأيي لحد ماطلقني وأنا أعرف أشياء هم مايعرفونها وبعد ماقهروني وذبحوني بكلامهم عرفو عنه أشياء تخل حتى بالدين وكذب ..

تحطمت لأني أنسانه حساسه أنسانه طيبه ماأحمل بقلبي أي ظغينه أوحقد أوحسد حياتي تمشي على النيه ومشكلتي أني أفهم هالدنيا بكل ماتعني ..

ياناس محد فهمني ولاأحد راح يفهمني نفسي ربي ياخذ روحي وأرتاح وكلما بكيت ولا ضاق صدري قالو أهلي عين ماصلت على النبي وقرو علي ..

دراستي تردت حتى أسمي شكلي أبي أنساه ودايم سرحانه على أتفه الأسباب أبكي ..

تكفون قولو لي وش أسوي أنا تعبااااااااااااااانه ومقهووووووووووووره لاتقولون أني ماأتحمل ..

تردت صحتي وخفت شهيتي للأكل حتى ماصرت أحب أتزين ولا أحب أطلع مع أهلي للحفلات أو العزايم لأن عيون الناس ماترحم ..

وتقدمولي كثار بعد طلاقي بس ماقدرت أوافق عليهم كلما فكرت وأستخرت سبحان الله أحس أن الرجال جميعهم مالهم أمان وماأقدر أعيش مع رجل غير أبي وأخواني ..

نومي مقطع ودايم يمر شريط حياتي قدام عيوني زي الومضات وزاد حزني وزادت حساسيتي تجاه الآخرين حتى أصبحت أنسانه أخرى أختلف عن ماقبل سنه وقبل ظروفي الصعبه ..

حتى أن بعض أقاربي قطعوني بدون سبب ربما لأني لا أعجبهم وأفرض قرارات يجب على المرأه أن لاتفرضها بزمن الجواري ..

تصدقون أني أغصب روحي على أستقبال الضيوف وبعضهم يتهمني بالغرور لأني أصبحت أنعزاليه بعض الشي وغير مرحه مثل ماكنت ..

إلى هنا تنتهي حروفي وتبداء دمعتي وحزني ..

(اليوم كنت أتكلم مع والدتي وأقول لها أمي هل أقدر أبيع حزني ؟ قالت كل شي تقدرين عليه الا العواطف مايقدر عليها الا ربك سبحانه قلت لها طيب أقدر أشتري فرحتي؟ قالت أتمنى أفديك بروحي وعمري وأشوفك مرتاحه ولو ليوم ولا تبكين مثل كل يوم )

صدقوني لو أقدر أصور نيران جوفي لصورتها وطبعت الصوره هنا ولو أقدر أنتشل داخلي من حطام نفسيتي كان أتشلته وعالجته من جروحه ..

أنا تعبت وأبيكم تعطوني حل تكفون لا تقولون لي أطلعي ورفهي عن نفسك .. أللي مايعرف يسبح وينرمي في بحر عميق هل يعرف يسبح ..؟

تكفون تكفون ساعدوني على حزني أللي حطمني ..

المصدر: نفساني