laila

بيانات اضافيه [ + ]

رقم العضوية : 4887  تاريخ التسجيل :  10 2003  أخر زيارة : 25-07-2005 (04:08 AM)  المشاركات : 3 [ + ]  التقييم :  10

لوني المفضل : Cadetblue

اريد التغيير

السلام عليكم ورحمه الله
ما اعرف كيف اتكلم عن حالتي هل هي كره الذات او عدم الثقه بالنفس او نرجسيه

انا كل شي يطلع مني اكرهه
اكره شكلي
اي مديح يجيني من الناس يا اني اعتبر هذا الشي مجامله او ما شافوني على حقيقتي او انهم اقل مني هذا ليه يمدحوني ولو انهم اعلى مني كان عرفوا وضعي صدق واحتقر المديح اصلا واذا حدث اني صدقت المديح اكره نفسي واحتقرها في اليوم الثاني
اكره نفسي بشده لاني ما تخرجت بمرتبه شرف
اكره نفسي لاني حنطيه ومو بيضا
مهما سويت مافيه شي يطلع مني من عمل احس انه حلو
اكره نفسي لما امرض
عندي عدم ارتياح في الحوار ومصداقه الناس الاكبر سنا او مرتبه
وصديقاتي "دائما" غير متفوقات واقل مني درجات ( شكوى امي والمدرسات الدائمه انني اصادق الشله الكسوله)
اي شجار او اي مشكله اصادفها دائما عندي احساس انا الغلطانه او اني فعلت شي غلط سبب هذا الموقف
اي نقد لشكلي يسبب لي البكاء في البيت عدة ايام
واي نقد لشغلي يخليني اضغط على نفسي في الشغل اكثر واضاعف جهدي
موقف حصل لي ان وحده نقدتني بشكل صريح فأهلي رحمه في حالي هم قرروا يعملوا لي عمليه تجميل بدون طلب مني وفعلا سويتها
دائما عندي احساس اني عبء مالي على اهلي
اذا تقدم احد لخطبتي اسخر منه واقول هذا من جدهم جايين يخطبون اكيد لو ننتظر شوي ينسحبون ويتحسفون وارفضهم من البدايه عندي احساس اني ما استاهل
واذا مر وقت طويل لم يتقدم احد للخطبه ابدأ في الاكتئاب والاحساس باني فاشله
انا ابي اتغير لسبب واحد ارحم امي واحس اني سبب في ضيقه صدرها لما ابكي ولا اسب حالي وما اقدر اتحمل احس اني هم عليها
دايما امي واختي تقول لي احمدي ربك انتي مو محروقه او مشوهه او فقيره او اني ارسب في المواد بس هذا ما يلغي عندي احساسي بالفشل واكره لما امي تتكلم بهذي الطريقه.. علما ان اهلي جاعليني قدوه لاخواني الاخرين
كثيره الكذب
اعاني من eating disorder ( اخذ حبوب الديلكولاكس للحفاظ على وزني)
وما قدرت اترك العاده هذي غير اني احيانا اقعد ايام واسابيع ما اكل اذا حسيت بزياده وزن واضحه



ما ادري اتمنى شرحت الوضع بشكل واضح واتمنى القا رد قريبا

شكرا مقدما

المصدر: نفساني