ساروه

بيانات اضافيه [ + ]

رقم العضوية : 9331  تاريخ التسجيل :  08 2005  أخر زيارة : 02-08-2005 (02:07 PM)  المشاركات : 1 [ + ]  التقييم :  10

لوني المفضل : Cadetblue

أبي الحل بأسرع ما يمكن

السلام عليكم ورحمة الله وبركاته
هذي اول مره اشارك فيها بمنتدى واتمنى من الله اني الاقي الحل عندكم
بصراحة تعبت وتعبت نفسيتي وما عندي حد استشيره وصرت فاقدة الثقة في كل شي
مشكلتي اني زوجة لرجل بخيل وشكاك واناني احاول ادور فيه شي زين ما الاقي صدقوني انا ما ابالغ ابي الطلاق وصايره اكرهه بس مستحيل يقول لي أعذبج ولا أطلقج
16 سنة وانا احاول معاه عساه يتصلح ضحيت بأشياء كثيره عشت معاه في غربة بعيده عن أهلي في شقه ضيقه ويبت له 4 عيال وسهرت وتعبت عشانهم كنت مثل الخادمة
هو مشكلته العظمى انه مريض بمرض الشك والغيرة الشديدة لدرجة انه ايضا ملوث افكار الاولاد بأني ام غير صالحة لهم وانا معاهم 24 ساعه
يضربني ويهينيني ودايما اذا شاف اي شي ضد المراه يطلع حرته علي جني انا هي .. عنده المراه مخلوق رخيص اي امراه عنده خاينه وعاهره ورخيصه مع اني والله الشاهد ما قصرت في شي معاه وما غلطت عليه في يوم وما عرفت قبله حد تزوجته وانا صغيره وحتى ما فكرت مجرد التفكير برجل ثاني او اخونه بس ما ادري من وين يجييب لي يوميا اتهامات حاولت كم مره انصحه واطلب منه انه يلجأ لطبيب نفسي لانه مرضه شديد ويهدم حياتنا وحياة اولادي بس يزيد في عناده
والحين حتى اولاده صايرين مثله
ما اعرف شو اسوي صرت انسانه محطمة واصل بي الضيق لدرجة الجنون
أبي الطلاق بس كيف وشو اسوي وانا ما بيدي حيله لا املك المال ولا عندي ظهر
كل واحد مشغول في حياته
من كثر ما انا اكرهه واتمنى الخلاص منه افكر بالانتحار لولا ايماني بالله كنت خلاص ما ابقى في هالدنيا مع هذا الزوج ولا لحضة
المشكله انه ما عنده كرامة ما يبا يطلقني بس هوايته يتفنن في تعذيبي
والله جربت معاه كل الطرق من بداية زواجنا للحين بس ما فاد
ارجوكم بالله عليكم قولوا لي شو اسوي ؟؟!!

المصدر: نفساني