نفساني - عرض مشاركة واحدة - شاركونا إدمانكم...أخى .. أختى ما هو إدمانك؟

03-08-2005, 05:32 AM

السلام عليكم ورحمة الله وبركاته

أولاًمشكوره أختي في الله جانين على موضوعك الجميل ..

ثانياًأبتكلم عن أدماني والله يستر لأن بعضه أتمنى أقلع عنه وبعضه الله يديمه ليوم الدين

أممم أول شي أدمان الصلاة:

بعض المرات أدمن عليها خصوصاًوقت الضنك يروح وقتي كله تسنن..

ثانياًأدمان أحباب الله ومحمدالأطفال:

لم أرى بحياتي أدمان أقوى من أدمان الأطفال لكن شوي يضايقني لأني مشغفه بهم يعني لو أني بسوق وشفت طفل يجنن رحت له وضميته ومطخته وهو مع أهله بعد صدقوني ماني قادره أغير من أدماني الأطفال أدماني ومستحيل أغيره لأنهم أصدق مابالحياة وأنقاها ..

ثالثاًأدمان الموسيقى الكلاسيك:

كم أعشقها عندما أكون ذاهبه للجامعه أو أكثر الأحيان عندما أجلس بحديقة بيتنا أسمعها وأريح أعصابي عليها وساعات أنام عليها..

رابعاًأدمان عشق الصمان والقنص والصقوروالأبل:

فأنا من عشاق البر وتحديداًالصمان من أمتداد شمال نجد إلى حايل وشرقاًالنعيريه وأم الهوشات والحفر والسفانيه وقت الربيع.
أموت بشي أسمه قنص لدرجة أني كل سنتين أحلف على الوالد الله يطول بعمره نروح نربع بالصمان وناخذ لزوم القنص معنا أهوا المقناص من طفولتي ومستحيل أحد يبعدني عنه.
أممم أجزم أن الصقر من مخلوقات الله العجيبه لذلك يذهب وقتي بالتفكر به وبحنكته فهو طير ليس لي الغنى عنه ولا عن وجوده بالبيت ولكن للأمانه أنا لا أملك صقر .
(أفلا ينظرون إلى الأبل كيف خلقت)عشق طفولي يتجدد كلما قررت أن أتفكر بمخلوقات الله سبحانه وتعالى وهو أدمان أفخر به .

خامساًسياقة الربع أو الجيب بالصحراء:

يعني أنابصريح العباره مدمنة تطعييييس كلما رحنا للقنص المفتاح بيدي من يومي بالمتوسط وإذا ماسقت الله يستر يمكن أرتكب جريمه فـــصار شي طبيعي المفتاح بيدي من يوم ننصب الخيام وأحب المناطق اللي تكون بها طعوس رمليه
أذكر سالفه صارت لي من أدماني لسياقة الجيب بالصحرا *وصلنا ودقينا الخيام وكنا مجموعه يعني مع أهلناوقلت لأبوي يالله عطني مفتاح الجيب ورفض ذلك الأمر ولمن رفض (طرقني شر الله)جلست ساكته ليوم كامل وماأقدر أتكلم حتى لو أحد كفخني مستحيل أنطق بكلمه وحده لحد ماجابت لي أمي المفتاح ولمن حطته بيدي وركبت الجيب مع بنات خالتي ضحكت وطالعته قال الوعد بالبيت وموتني ضحك %أدمان من جد100% .

سادساًوهوالأخير أدمان موقع نفساني:

اللذي أستفدت منه الكثير فأثاب الله القائمين عليه وجزاهم خير الجزاء

للمعلوميه أناأكره البحر وأتمنى لو كان غيرموجود لكي لايأخذ من نحب ويذهب بهم إلى الأعماق .

كل هالأدمان موجود فيني وأتمنى أني أكون كفيت ووفيت وآسفه للإطاله .

مشكورين مره أخرى

تحياتي

فمان الله