نفساني - عرض مشاركة واحدة - تعب وظيم وقهر ودمعه عين تنحدر (ساعدوني تكفون ماني قادره أعيش )

10-08-2005, 04:13 PM

السلام عليكم ورحمة الله وبركاته

معذور ياأستاذ فهد ومشكور على ردك لي ومشاركتك لهمومي .. أدعوالله من كل قلبي أن يوفقك دنيا وآخره ويجعل ذلك في ميزان حسناتك..

أناياأستاذي بديت أتحسن كثير كثير والحمدلله بديت أطنش وأقنع نفسي أني لو ماأسعدت نفسي محد بيساعدني فعلاً زي ماقلت ..

يعني بصريح العباره صرت ماأعطي أعدائي وجه أطنشهم وإذا جوعندنابالبيت ماأطلع لهم وإذا طلعت لهم صدفه أكون بلبس البيت وماأسوي شي عشانهم وحتى بالعزايم أمي تقولي روحي سلمي عليهم وأعيي زعلت أمي علي شوي وراضيتها بس هم حسو أني صرت ماأبالي بهم ..

أرتحت الحمدلله ودراستي بإذن الله ماراح أتركهالأن محد بيرفع راسي غير شهادتي وعلمي ..

وقويت علاقاتي مع غير أقاربي (يعني البعاد عني ) وبديت أبتعد عن الوسط القبيح اللي كنت مظلومه فيه ..

وأمي تقولي إذا هذا فيه سعادتك عادي سوي اللي تبينه أهم شي راحتك ..

وطليقي الله بيحاسبه ومايصح الا الصحيح ..

أستاذي أنا أبسألك أي أفضل أروح لأخصائيه نفسيه أو أخصائي نفسي ..؟

أنا حالياًعند بيت خالي في مدينة الخبر وبودي لو تقولي أسم أخصائي أو أخصائيه نفسيه في مدينة الخبر ويكون ثقه وقد مهنته لأني أخاف أني أتوهق بأحد(خرار)يعني أنت تعرف أني أبي هالشي يكون سري خصوصاًفي مجتمع يحب القيل والقال ويبحث عن أخبار الناس ..

أستاذي أنا خايفه من شي هالحين متقدمين لي كثار من الشباب وأمي زعلانه ليش أرفض طيب أنا الآن بحاله نفسيه متعبه شوي وماودي أقرر وأمي تقولي ماتطلعين من حالتك الا إذا تزوجتي ..؟

المهم أرجع لمحور حديثي أثنين من اللي متقدمين مناسبين لي واحد منهم متزوج وعنده طفله والطفله عند أمها ومطلق وعمره 28 والثاني توه ولد وصغير بعض الشيء يعني عمره 22 أكبر مني بسنتين أنا محتاره من آخذ أخاف آخذ الولد وأتعب معاه لأنه توه صغير وأنا يمكن ماأناسبه واللي مطلق عنده بنت وأهلي مايفضلونه يقولون مشاكل وعنده بنت إذا تقدر توجهني أبكون ممتنه لك جداً ..

تحياتي ومشكور مره أخرى ..

فمان الله