|
كيف التعامل مع أمي ؟ سااااااااعدوني
السلام عليكم ورحمة الله وبركاته
لا نعرف كيف نبدأ مشكلتنا مع أمي منذ الصغر وإلى الآن عمري 26 سنة وإحنا معذبين معها إحنا عددنا 2 بنات و4 أولاد مشكلتنا أحنا البنات أمي دائماً عصبية معنا ومع الآخرين طيبة لدرجة يسمونها يالوردة أحس أمي لاتحبنا أبداً وتكرهنا كره العمى وبعض الأحيان تدعي علي ولا يوم سمعت منها كلمة طيبة أبداً منذ الصغر وأنا أعتني بالبيت من تنظيف وغسيل وأساعدها في الطبخ ولا يعجبها العجب فهي نادرا ماتفعل هذا في البيت أحنا أخواننا لما يتعشون يخلون الصحون في المطبخ مايغسلوها ونكون إحنا نايمين في الليل و ما نقعد إلا وأمي معصبة علينا تقول اليوم المطبخ كله صحون وتقول مات ساعدوني طيب ويش ذنبنا إحنا البنات وتزعل علينا ما تكلمنا هل في أم مثل أمي قولولنا ؟ ولا يوم شفتها فرحانة لنا أبداً أخر أخواني عمرة 11 سنة يعني ماعندها أطفال مرتاحة وعلى أي سالفة حتى لو بسيطة ما تزعل هي تزعل و أحنا على مدار السنة كله مشاكل معها بعض الأحيان تحرمنا من الفلوس لماذا أمي تفعل كذا ؟ هل أمي عديمة احساس والناس دائما يفكرون إحنا أمي معيشتنا في عز وهنا لان إحنا فقط بنتان ماادري هل احنا محسودين من الناس ؟ وعندما نخرج من البيت وهي ما تكلمنا تقول ليش اني خدامة ماتقولون لي وين بتروحون لا اعرف كيف اتصرف مع امي احياناً تخلينا نبكي طيب احنا عندنا احساس وشعور وخصوصاً اني كبيرة مو صغيرة في العمر عشان تزعل على كل شي وفي بعض الأحيان لما أجي اغسل ملابسي والغسالة فيها ملابس مخلصين من الغسيل أسألها أشيل الثياب من الغسالة وأضعهم في النشافة تقول لي ليش ويش تبغين في الغسالة أقولها أبغى اغسل ثيابي تقول لي ونتين ماتغسلين ثيابك إلا لما أغسل ثيابي طيب الغسالة ما تكون فاضية إلا نادرا طيب انا ويش اسوي في هادي الحالة اقوم واغسل ثيابي على ايدي ما احب المشاكل معها وتركتنا نغسل ثيابنا من يوم وانا صغيرة في صف سادس ودائما تتكلم علينا عند خالتي احنا ما نساعدها ولا نغسل ثيابنا بنفسنا هذا يوم كنت صغيرة، وانا اذاكر لي اخوي مع إنه يضربني وانا كبيرة ولكنني صابرة عليه ولما أضربة تقول امي ماتحبوه طيب يضربني واسكت عنه ويش هل الاحترام وبعض الاحيان اشكي لها انه يضربني تقول لي اضربه بصراحة مااعرف كيف اتصرف مع امي وفي ايام الدراسة تقول لي الناس تذاكر ساعة ساعتين بالكثير ونتون 24 ساعة على الكتاب طيب انا احب المذاكرة وابي انجح وانا طموحة طيب المفروض تفرح لما تشوفني اذاكر تدعيلي بالنجاح هذا إلي اشوفه في الامهات ولا كل الامهات مثل إمي حتى في وقت الامتحان النهائي تبغانه نساعدها في كل شي حتى لوكان العشاء بسيط ولا تسالني ويش سويت في الامتحان معنا امي دارسة المفروض تعرف هذا الشيء والله بعض الاحيان اقعد اصيح على نفسي وانتمنا الموت ياخدنا بسرعة ولا هالعيشة، وإذا بتطلع معنا ماتجلس جنبنا لمن نسألها في البيت تقول ما احب بعدين يقولون انا ادلل عليكم ، انا امي معنا كذا ومع الناس بشوشة مو بنتها احنا بعض الاحيان التكلم مع اصدقائي على معاملتها لنا يستغربون لما احكي حالي عندهم يقولون لي اشوف انا امك طيبه ما في زيها صراحة في طيبتها ولما ابغى اذهب إلى اصدقائي مااتهنا اقعد ساعة ولا هي متصلة فيني تأخرتي يالله تعالي البيت حتى اصدقائي تركتهم التمنى السنة كاملة تمربدون مشاكل ولا زعل هل المشاكل مننا احنا ؟ بصراحة احنا نبغى حل لمشكلتنا ساعدونا ويش نسوي وكيف نتعامل معها ؟ الله يجزاكم الف خير إلي يساعدني :36_1_4::36_1_4:
|