نفساني - عرض مشاركة واحدة

11-10-2005, 02:14 AM

السلام عليكم ورحمة الله

انا ام لطفل عمره 4سنوات و4شهور ......وهو الطفل الوحيد ....مشكلته انه عنيد جدا جدا

وخاصه هالايام

هو عنده مشكله انه مستحيل يلبس جديد ....وخاصه احذيه

تخيلوا يلبس صندل واحد من فترة طويله وحاولت معه بشتى الطرق يغيرة ويرفض

وفي هالايام انقطع الصندل ومصر يلبسه وهو مقطوع

حاولت اوديه للسوق واخليه يختار وفعلا اختار صندل واشتريته ونفس الشي رفض

يلبسه

حاولت اروح عنه واتصل عليه في البيت واقوله اذا تبغى تجي معي البس صندل جديد وبدون فايده

ومرة طلعت قدامه وهو يصارخ يبي يجي معي وشرطت عليه الطلعه مقابل يغير الصندل ورفض

ولما جا اليوم الي بعده قالي اطلعي انتي وبابا وانا بجلس في البيت ...وفعلا طلعت قدامه وقال لي مع السلامه عادي

وكان ينزل احيانا للجيران الي ساكنين في الدور السفلي بالصندل المقطوع

ومن يومين قطعت الصندل تماما بحيث انه مايقدر يلبسه ........فرفض تماما الخروج من البيت

واذا نادوه الجيران يطل عليهم من الشباك ويقول (شوزي مقطوع)

حاولت اغريه بالملاهي والناس والاطفال الي يحبهم وصار يرفض انه يروح لانه مايقدر يلبس الصندل

بصرااااحه مابقى طريقه ماسويتها ...حتى قلت له البس صندل ثاني وتعال معنا نروح نصلح صندلك ورفض قال انتم ودوه انا لا

*طبعا حتى الملابس مستحيل يلبس ملابس جديده من حوالي 4شهور واكثر

ومن قبل كان يرفض لكن كان يلين بالمحاولات

ومنها مره كان ماكان يبغى لبس جديد فطلعت وتركه وعقيها بيومين تنازل ولبسه وطلب يطلع لنفس المشوار

لكن هالمره مانفع ابدا ابدا له كم يوم وهو مايطلع ومع كذا راضي بس مايلبس اي صندل او جزمه غير المقطوعه

حتى الجزم القديمه رفضها

ارجوكم ابي اعرف اتعامل معه

وجزاكم الله خير

المصدر: نفساني