ابو شذا

بيانات اضافيه [ + ]

رقم العضوية : 10460  تاريخ التسجيل :  10 2005  أخر زيارة : 22-02-2006 (02:34 PM)  المشاركات : 16 [ + ]  التقييم :  10

لوني المفضل : Cadetblue

والله اني كلي امراض نفسيه من شك من عدم ثقه من رهاب من اكتئاب من حزن دايم مرافقني
من حبي للوحده ولا احب اخالط الناس و لا اقدر ولا اعرف شلون اوصف حالتي
الماضي في حياتي ذبحني كنت اكثر شخص يكلم بنات مااعرف شي بالدنيا الى مكالمة بنات
واستخدم انواع المخدرات وانسجنت بأسبابها لمدة خمس وعشرين يوم وبعدها انقلبت حياتي
فوق تحت مع العلم اني كنت قبل انسجن ناوي اطلع برى ادرس طب بعدها جلست فاضي لمده سنتين مادرست لكن اشتغلت في شركة ابوي واتحملت مسؤوليه اهلي وكنت قدها ابتعدت عن جميع البلاوي ماعدى بنت وحده ماكنت اقدر اخليها من زود حبي لها المهم البنت تزوجت وراحت في حال سبيلها والله يوفقها وماكان لها تأثير على نفسيتي ولله الحمد
انا عاني من عدم تركيز احس ان تفكيري متشتت
وانا حاليا ادرس خارج المملكه وادرس طب ولله الحمد وهذا من توفيق الله لي وثم رضى الوالدين علي واني محبوب من جميع اقاربي
ووالدي شكاك الى درجة انه يشك في اولاده من جميع النواحي لايثق بأي كلمه تقال له من اولاده
والبيت الجميع في فرقه وكثرة المشاكل بين اخواني وكان لي محاولات في اصلاح مابينهم
مدري وش اقول لكن والله تعبان وانتظر متى ارجع لسعوديه واروح للعياده ماتتخيلوه كم مره باليوم افكر وش ابي اقول اذا رحت للعياده وايش اللي اشتكي منه اقول لنفسي لازم اقول اللي عندي كله انا احس ان فيه شي غلط بحياتي
مع اني ولله الحمد الان لا اشرب الخمر ولا اترك الصلاة ولا اذهب للاماكن المشبوهه ولا اكلم بنات
يارب احد يشوف مشكلتي ويقولي شي يصبرني
استغرك اللهم واتوب اليك من كل ذنب عظيم