nana4ever

بيانات اضافيه [ + ]

رقم العضوية : 11491  تاريخ التسجيل :  12 2005  أخر زيارة : 19-12-2005 (10:14 AM)  المشاركات : 1 [ + ]  التقييم :  10

لوني المفضل : Cadetblue

بليييز ساعدوني

السلام عليكم

انا عضوه يديده دورت ع مواقع لطبيب نفساني

ماحصلت بس حصلت منتديات ف دشيت منتداكم

على امل اني احصل المساعده

امممم مشكلتي اني صايره عصبيه ازياده عن اللزوم

وخاصه في الشهرين اللي مضو

احاول اعرف الاسباب ما اقدر ولكن للاسف حالتي ازيد

سوءا..

عندي طفل عمره 5 سنوات صرت قاسيه عليه

ما اقدر اتحمل اي غلطه منه ولو كانت صغيره

وهذا الشي يخليني احزن اكثر لنه عندي بس هالطفل

وما ابا اخسره او يصيرله شي بسببي مب قادره افهم حد

ولا حد يفهمني اعصابي مشدوده 24 ساعه قبل كنت

اعاني من صداع الراس كل اسبوع مره او مرتين

اما الحين صار عندي الصداع بشكل مستمر طوال اليوم

لدرجة احساسي بالغثيان وسرعات دقات القلب ما ادري شو صارلي

احس مب انا اللي قاعده اتصرف كان حد يقودني لهذيه العصبيه

دايما ابكي وابكي حتى صار جسمي ما يتحمل التعب والارهاق

انهار بسرعه بلييييز ساعدوني ما اقدر اروح عند طبيب نفساني

بيفكروني مينونه انا ابا اتعالج باي طريقه قبل لا اخسر الناس

اللي احبهم ويحبوني واهم شخص عندي في هالدنيا ولدي

هو عنيد وما يسمع الكلام وانا متوتره فاضطر اني اصارخ في وجهه

لكي يسمع الكلام وامس مددت ايدي عليه وثواني مسكته

في حظني وظليت ابكي ما احب اجرحه او اي شي بس غصب عني

بليييز ساعدوني قبل لا اصاب بانهيار عصبي ولا الجنون

المصدر: نفساني