نفساني - عرض مشاركة واحدة

27-04-2002, 03:24 PM

والآن أتيت بالقصه الثالثه...
وبصراحه القصه الثالثه لي..
في يوم من الأيام دخلت الشات وإتعرفت على واحدإسمه سلطان
..جدا محترم..جدا عاقل..
كلامنا كله كان عادي..
وإليكم ماقال لي ..
يقول..أنا أكره البنات
قلت..ليه
قال..ومستحيل أتزوج
قلت..؟!
ثم قال..(وكنت قد لاحظت عليه ذلك الأمر)
ألاترين أنني أدخل الشات دون أن أتكلم بس أشوف الناس وهي تكتب
قلت وليش أنا بالذات دخلت معي..وكنا على الوسبر..
قال..بس كذا عجبني إسلوبك لأنك ماتعطين أحد فرصه يتكلم معاك كلام خرابيط
أنا ماأبي بنت(مطفوقه)أبغى بنت عاقله..
ولما سألته إنت وش سالفتك قال...
أنا كنت عاشق للسواليف على الشات وتعرفت على بنت وصرت يوميا أدخل على شانها ونتواعد في شات معين ونلعب على الناس

(كنا إثنين إتفقو في كل شي أفكارهم.. عقلياتهم.. في كل شي)
يقول أخذت إيميلها أضفتها على الماسنجر..صرت أكلمها يوميا (على الماسنجر)
من كثر ماحبيتها ماطلبت منها تكلمني على شان ماأبي أسمع منها الموافقه وتطيح من عيني
وهذاك اليوم قعدت معاها أربع ساعات متواصله على الماسنجر
آخر شي تجرأت وقلت لها ممكن إسمك الحقيقي (وكان هذا بعد سنتين من التعارف)
ووين ساكنه ورقم الوالد لأني بجي أخطبك ..البنت سكرت الماسنجر من وقتها..
يقول:.
وبدأت أدور عليها في كل مكان ماعدت أقدر أنام صرت كأني مجنون بس أفكر فيها
وقعد ثلاث شهور يدور عليها بين الشات والماسنجر..
وفي يوم دخل الشات وهو قاعد يسأل عنها طلعت له بس بإسم ثاني
وقالت له ..هلا
قال..أهلين
مين
قالت..أنا فلانه
قال..وينك قلبت الدنيا عليك
قالت..أدخل على الماسنجر أبي أكلمك
يقول دخلت على الماسنجر وقالت لي..
إسمع ياسلطان.
أنا ولد ومتزوج وعندي ثلاث عيال
تبي تتأكد خذ المايك وإسمع صوتي..
وأنا آسف وإني والله إني حبيتك مثل ماإنت حبيتني
طبعا سلطان صارت حالته مايعلم فيها إلا الله..
قاله إنت عارف إني كنت بتزوجك مستحيل هذا ماأسمه حب
قال الشاب..أنا آسف وأنا مستعد نتقابل وسوي فيني إلي تبي أنا مستعد أعطيك أي تعويض
طبعا سلطان قفل الكمبيوتر وطلع بالسياره يدور إلين ماصار له حادث
واللحين مر على السالفه سنه وسلطان عنده إكتئاب مايطلع من البيت مايكلم أحد حتى زملاء ماعنده
ولايقتنع بالذهاب إلى دكتور نفساني