|
فعلا .. مو لاقية سبب لهالأسئلة .. بس مو مشكلة نشارك .. كاستبيان
للرجال :
عذرا .. بس راح أتكلم بالنسبة لأخوي .. إنسان راقي جدا .. وواعي جدا .. وعنده خبر إني أشارك وأختي بعد في منتديات وحوارات وما عنده مشاكل من هالناحية .. لأن الواحد عارف شنو نوعية الشخصيات الموجودة في بيته كونه رب أسرة وعارف شلون كانت التربية
وبشكل عام .. الانسان لما يشترك بالانترنت سواء من البنات أو الشباب يكون أفراد الاسرة اللي يحبون الانترنت واللي ما عندهم اهتمامات فيه على علم طبعا برغبته في الاشتراك .. وبالتالي يكون مستأذن من أهله بشكل عام كبداية على الأقل .. ويكونون موافقين على وجود الاشتراك .. ومسألة عدم الموافقة لازم نحطها في الاعتبار .. سواء من الآباء أو الأزواج والزوجات .. كاحترام لرأيهم وفيه مجال للمناقشة الواعية وغيرها لا حول ولا قوة
للنساء :
س1/هل ترضين ايتها المراة ان تتزوجين برجل تعلمين انه مشترك في الانترنت والمنتديات ؟ ( للعازبات ).
بما إنه مشترك بالانترنت والمنتديات .. فهذا معناه ولو بشكل متفائل نقولها إنه انسان يحب المناقشات وإبداء الرأي .. وهذا يشجع إن الوحدة تقبل فيه .. لأنها أكيد على مدار الحياة الزوجية تحتاج شخص تتكلم معاه وتناقشه .. ناهيك عن ان المنتديات غالبا تعلم الشخص صفات جميلة وأقول غالبا لأنها معلنة وبالتالي الشخص يحب يظهر صورته حلوة جدام كل الناس .. ومع الوقت هو بروحه يحب هالصورة الحلوة ويحاول تكون موجودة دايما .. نتكلم طبعا بالنسبة للإنسان الطبيعي الواعي .. والا من غير وعي .. الوحدة تقدر في بيت أهلها أحسن :)
س2/هل ترضين ان يكون زوجك او اخوك من المشتركين في الانترنت والمنتديات ؟
أكيد أرضى .. لانها حرية شخصية .. إذا يحب الانترنت والمنتديات ليش أحرمه من شي يحبه وآنا ما أحب أحد يحرمني من شي أحبه أيا كان .. من باب قول الرسول صلى الله عليه وسلم بما معناه أحب لأخيك ما تحب لنفسك .. وبالتالي الزوج ينحدر تحت نفس الموضوع .. المفروض ما تكون عندنا عقدة الثقة المفقودة واللي ممكن تدمر أي جمال وأي لذة لوجود الغيرة كخصلة أساسية في الزوجين بشكل خاص وتزين المسلمين بشكل عام
س3/ما هو شعورك عندما تشاهدين ردودا فيها اطراء لزوجك او اخوك من قبل النساء ؟
هالشي يخليني أفتخر فيه .. لأنه أثار اعجاب الموجودين بغض النظر عن كونهم إناث أو ذكور .. مالها علاقة .. العلاقة بين جمال الأسلوب واستحقاق المدح .. مو أكثر
س4/ماهو شعورك عندما تشاهدين شكره واعجابه بمواضيع الاعضاء من النساء ؟
وشنو المانع .. الموضوع راح يكون مجرد إبداء رأي حر .. من غير ما تحكمه رغبات من أي نوع .. لما يكون فيه ثقة ما يكون فيه مشاكل .. أما الغيرة .. ممكن تكون غيرة لذيذة تحرك الحياة وما تسمح بتجمدها
|