لــيــال

بيانات اضافيه [ + ]

رقم العضوية : 5115  تاريخ التسجيل :  11 2003  أخر زيارة : 12-02-2006 (06:13 AM)  المشاركات : 13 [ + ]  التقييم :  10

لوني المفضل : Cadetblue

متاسفه جدا لان الخط كان صغير


السلام عليكم ..

تحيه لمستشارينا .. وبعد

انا متزوجه من 3 سنوات عمري 24 سنه ولي بنت عمرها سنه وزوجي يكبرني بخمس سنوات .. مشكلتي مع زوجي ابتدت من اول ايام زواجنا .. انا تزوجت بالطريقه التقليديه وكان الفاصل ما بين عقد القران والزواج شهر فقط لانه قرر الاستعجال باتمام الزواج بحجه انه ما عنده وقت كافي لانه لازم يرجع يكمل دراسته بالخارج و ساعدته كثيير ببدايه حياتنا.
اتضح لي من البدايه ان زوجي انسان متسلط ويحب يفرض رايه سواء كان صح او غلط لانه على قولته هو الرجال ولازم علي الطاعه العمياء في كل شيء من غير حتى ما اسال عن السبب .. انا عزيت الامر في البدايه على ان هذي الامور تحصل لانه اول ايام الزواج ويحاول يثبت لي فقط انه صاحب الكلمه وهو الامر الناهي لكن اتضح لي العكس .. يعني مثلا اذا فتحنا موضوع وكل واحد قال وجهة نظره يقول لي انه كلامي غلط وان الناس كلهم تعرف ان هذا الكلام اللي اقوله غلط وان كلامه هو اللي معرووف عند الجميع انه صح ( دائما باي نقاش يقول الجمله هذي ) ويقول لي اني غبيه وتافهه لاني اصدق الاشياء هذي سواء اللي اسمعها او اللي احاول اني اثبت اني قراتها او سمعتها من مصدر موثوق فهو ابدا ما يراعي الفروق اللي بينا كرجل وامراه ولا يعترف ان لكل منا وجهة نظره وطباعه وشخصيته اللي من الطبيعي انها تكون مختلفه عن الاخر ..
لكن اللي لقيته انه دائما يحاول يصغرني قدام نفسي واني الجاهله اللي ما اعرف عن ايش اتكلم ويقارني باي احد الين ما انعدمت ثقتي بنفسي ويكبر اي شيء تافهه لدرجه انه وصل لضربي لمشكله تافهه جدا جدا . وكان احيانا ياخذ علي كل الاكل اللي موجود عندي بالثلاجه ويرميه بالخارج ويسيبني لمده يوم كامل من غير لا اكل ولا شيء هذا وانا مغتربه ولا اعرف احد هناك ولا اعرف الشوارع حتى اروح لوحدي واتصرف .. وطبعا لمن يرجع اظطر ذليله اني اتاسف واعتذر واحاول ارضيه بس عشان يجيبلي شيء اكله وبالنهايه يقول لي كلمه وحده ( تستاهلي انتي اللي جبتيه لنفسك )
تحملت الكثير الكثير هناك لدرجه اني كم مره فكرت اتخلص من حياتي والعياذ بالله .. صبرت واحتسبت عند الله لكني ما اقدر اتحمل اكثر.
بمجرد رجوعنا للبلد زاد عن اول بكثير صار يدخل بكل صغيره وكبيره حتى بلبسي وبمكياجي اسلوبي طريقه تفكيري وكلامي وحتى و طريقه ترتيبي لادوات المطبخ كل شيء والمشكله انه يثور بسرعه ويزعل ويبغاني كمان اعتذر ويعيد القديم والجديد ( اسمع الاسطوانه هذي كل مره نتخاصم فيها ) . لمن احاول اتفاهم معاه واكلمه او حتى اناقشه اكون افتح على نفسي النار فيزعل اذا قلت له اني ماني مقتنعه اني غلطانه والله يشهد اني لاي درجه اكون هاديه لكن هو مثل اللي يستنى علي الغلطه يزعل ويخاصم ولازم اعتذر ..
اتفقت مره معاه اننا لازم نسوي جلسه مصارحه طبعا هو استهل الموضوع بعيوبي كلها اللي هو شايفها ( ما خلى فيني ولا ميزه عدله اشوفها بنفسي ) . و بمجرد اني بدات كلامي اني احيانا ما اقتنع اني اكوون غلطانه ولازم نحاول نفهم بعض ثار وزعل وقال كالعاده اني ما افهم وغبيه سالته اذا انت شايف كل شيء فيني عيب اجل ايش الشيء اللي عاجبك فيني ؟. دام اني اسويلك هالمشاكل كلها ليش متحملني . ليش مستمر معاي ؟ووصل الموضوع لضربي ونا مصدومه ما اعرف ليه اصلا ضربني من غير ما ادافع عن نفسي حتى ..
هو دايما دوامه من 8 الصباح الى 7 المغرب لكنه ما يرجع البيت, يجلس مع اصحابه الى 12 وبعدها يرجع البيت تعبان وينام على طول . والاربعاء الى الفجر اما الخميس والجمعه فما يصحى الا قريب العصر ويخرج بعدها وما يرجع الا الفجر . انا كانه مالي حق ولا حتى بنته .. والمصيبه انه يتكلم معاي عادي ما كانه مقصر بشيء ابدا ولمن اقوله اننا نبغى نطلع او نتمشى معاه يقوول انه ما يشوف اصحابه وانه تعبان طول الاسبوع ويبغى يرفه عن نفسه . انا حاليا عاجبني الوضع لاني كرهت جلسته بالبيت والخصام معايا على اللي يسوى واللي ما يسوى, لكن حالتي النفسيه كل مالها للاسوء فقدت شهيتي للاكل و اهتمامي بكل شيء لا صرت اخرج ولا اروح اي مكان لكن صرت حبيسة البيت.
حياتي ليست مستقره واشعر بان بقائي مع زوجي استمر بخداع نفسي ومنافقته لاني اصبحت لا اكن له اي موده للاسف.
افيدووني جزاكم الله خير .. هل انفصالي افضل ؟؟.. ما ابغى اجلس لين ما اتورط في اولاد ثانيين واجني عليهم

اسفه عالاطاله لكن ما باليد حيله .. بعد ان استنفذت الحلول مني .