06-02-2006, 01:39 PM
|
#1
|
|
مراقب إداري سابق
|
بيانات اضافيه [
+
]
|
|
رقم العضوية : 10537
|
|
تاريخ التسجيل : 11 2005
|
|
أخر زيارة : 17-10-2010 (08:26 AM)
|
|
المشاركات :
1,238 [
+
] |
|
التقييم : 10
|
|
|
لوني المفضل : Cadetblue
|
|
لماذا يبكي الاطفال الصغار بعد اقلاع الطائراة
بسم الله الرحمن الرحيم
السلام عليكم ورحمة الله وبركاته
لماذا يبكي الاطفال الصغار بعد اقلاع الطائرة؟ ؟ ؟ ؟ ؟
دائمـا نلاحظ بعد اقلاع الطائرة وارتفاعها شي بسيط يبدأ الاطفال الصغار وخاصة اللي عمرهم اقل من ثلاث سنوات بالصياح ومساكين امهاتهم تلاقيها تقعد تسكت بهالطفل ولا هي عارفة وش السبب.
طبعـا كثير من الناس يكون حشري ويقول بخاطرة (يالله وش الازعاج من هالبزران ما هم عارفين يسكتون اولادهم) وفيه البعض الاخر إذا سمع الاطفال الصغار بدأوا يبكون يحسبه عشان هم سمعو طفل يبكي بكوا معه. (صياح مع الجماعة رحمة)
صراحة اللي ما يحب الطيران و يخاف من الطيارات تلاقي بخاطرة وده يبكي معهم بس مستحي.تلاقي بعض الاباء والامهات أقول بعض (يقول والله ياحمودي فشلنا بالناس)! ! ! !
طيب وش نقول لأبوى أو أم الطفل هذا ! ! !
بعض الامهـات الله يصلح لهـن اولادهن تقعـد تهـز هاللوليد بأحر ما عنده تبيـه يسـكت ! ! !
ينقلب راس الضعيف وتلاقيه يطرش (والله ما دريت انه مصخن)
بكل بساطة لا تزعــــل ولا شي ، ، ، ، خل وليـدك الله يصلحه ويكبر ويدعيلك ان شاء الله يصيــح طول بطنه. وش تستحي منه انت ، ، ، انت اللي تصيح ولا هـو.
لو يقدر يتكلم او يبين اللي بخاطره كان فهمـك باللي يحس.
احسن لـك اصبـر وانتظـر الونـان مـره ثـانيـة يبدون يصيحـون قبـل الهبـوط. إلى ان توقف الطيارة وهم يصيحون. ونكـمل
طيب نرجـع للأطفال الصغار والكبار ماله إلا اللي جـاه ان صاح ماهو لاقي من يسكتـه! ! !
السبب بكل بساطة هو تغير الضغط الجوي ! ! ! ومثل ما تعرفون او تسمعون ان الكابينة داخل الطائرة موزون الضغط الجوي بحيث ما يزيد عن 8000 قدم.
كثير من الاطفال تلاقي عندهم الجيوب الانفيه لسى ما اكتملت فأي ريح بسيط يصيبه بالصداع بالاضافة الى السوائل اللي تخرج من أنوفهم (خشم).
نفرض ان الطائرة كانت واقفه بجدة يعني الضغط الجوي (سط البحر) ومع أقلاع الطائرة كل ما ترتفع ينقص الضغط. طيب الهواء اللي بداخل جيوبنا الانفية (Since) يتمدد ,زكما تعلمون ان الجيوب الانفية متصلة مع الاذن الوسط اللي تؤدي الى الطبلة.
هنا نعرف ليش لما تقلع الطائرة تقوم الاذن تفتح وتسك بس الكبير تلاقية يحرك فكـه (الحنك) أو يقفل خشمه ويدفع بالهواء (وهذا غلط) لـكن الصغيير ما يدري وعظامة و أعصابة لسى لينه فيحس بالالم عشـان كذا يبكي.
|
|
|
|