نفساني - عرض مشاركة واحدة

17-02-2006, 01:16 PM

السلام عليكم
الصراحه هذا موضوع جدا مهم والله يعطيكم العافيه على طرحه لانه الصراحه يحتاج الى وقفه انا اعرف عائله مقتدره جدا وعندهم عيال بس كبروا العيال وراحو يتبنون بنت عمرها ايام وشفت العائله عن قرب كيف كانت تعاملها يعني حبوها مره بشكل ما احد يتصوره الحين صار عمرها تقريبا سبع سنوات ودوها مدرسه خاصه وكل اجازه يروحون خارج المملكه ويأخذونها معاهم ويجيبون لها كل الي نفسها فيه الرجل الي تبناها دائما باله مشغول عليها ويفكر وش راح يكون مصيرها لدرجة انه امن لها مستقبلها بعقارات وفلوس في البنك والحين البنت بدأت تفهم وتقول لأبوها الي متبنيها ليش اسمي مو زي اسمك ؟وطبعا الاب يتألم ويقول وش اقولها؟و انا وزوجي نفكر فيها ونقول اكيد راح تلوم الناس الي تبنوها وماقالوا لها من الاول انها لقيطه واكيد ان العقارات والفلوس ما راح تغنيها عن ابوها وامها الاصليين لانها انسانه بلا هويه.وكل الي اقدر اقولها الله يعينها على مصيبتها والله يكون في عون من هم مثلها.
عندي قصه ثانيه انا معلمه في مدرسه ابتدائيه والمدرسه فيها كثير بنات جايين من الملجأ وفيه وحده منهم في الصف الخامس وكان عندهم اختبار ترم وكنت ارقب عليهم والماده كانت تعبير تدرون وش موضوع التعبير؟؟؟؟؟عن بر الوالدين وعن النظافه البنت أختارت موضوع الوالدين وجلست تطالع في الورقه وماعرفت وش تكتب كتبت الام هي الحنون وشوي كلام ثم شطبت على الورقه وبدأت تكتب عن موضوع النظافه بس كتبت اربع سطور بعدين حطت راسها على الدرج لحد ماخلص الوقت وطلعت الصراحه انا حسيت قلبي بتقطع عليها من الحزن والصراحه لمت المعلمه الي حطت الاختبار لانها ماراعت مشاعرهم.
اسفه على الاطاله بس حبيت اشارك واقول انه فعلا الكل يتألم عليهم لانهم مالهم ذنب
والف شكر والله يعطيكم العافيه على هذا الموضوع الممتاز