|
عدم الثقه بالنفس.....راحة البال .....الأمان.....وين ألاقيهم؟؟؟؟
السلام عليكم ورحمة الله...........
أتمنى إني ألاقي عندكم حل لأني صرت أفكر
جديا بزيارة دكتورة نفسانيه..........
أنا متزوجه من خمس سنين ....... وعندي ثلاثة
أطفال ......... من ثلاث سنوات تقريبا كنت حامل
ببنتي الثانيه وبشهري الثامن جاء زوجي وقال
لي إنه خطب لكن ما وافقوا عليه وراح وخطب
مره ثانيه وقتها كانت حالتي النفسيه سيئه
وترقدت بالمستشفى فتره لكن جاء وقال لي خلاص
أنا شلت الموضوع من راسي............ وبعد ما ولدت
بأسبوعين بس رجع لنفس الموضوع وصارت مشاكل
ورحت لبيت أهلي ورجعني وقال لي أنا نسيت الموضوع...
لما رجعت للبيت قالت له صحيح إنك نسيت الموضوع؟؟؟
رد علي إنه ما نسي الموضوع لكن علشان يرجعني
قال هالكلام.... وقتها حسيت بإهانه كبيره وقلت له راح
أساعدك وفعلا رحت وكلمت البنت اللي كان ناوي يرتبط
فيها وكلمت اهله وأقنعتهم وكان كل همي إنه يتزوج علشان
أروح بيت أهلي وأعيش لعيالي ولنفسي وأنهي حياتي معاه
لكن الله ما قدر ورجع يحلف لي إنه ما راح يرجع للموضوع هذا
مره ثانيه وإقتنع إن فكرة الزواج الله مو كاتبها له ...... ومن فترة
ست شهور كنت حامل ببنتي الثالثه وكنت وقتها بالشهر السابع
حسيت بهالفتره إن في شيء غريب.... يعني إذا دخلت عليه وهو
يتكلم بالتليفون يقول لي ليش كنتي تجسسين علي....؟؟.. وكان عنده
لا مبالاه بحملي ....... المهم دخلت عليه مره وهو فكره شارد لما سألته
فيك شيء؟؟؟........ قال لي إنه راح يتزوج ويريد مني إني أكلم أم البنت
اللي راح يرتبط فيها وأقول لهم إني موافقه على زواجه..... قلت له ما راح
أسوي اللي إنت تبيه ورحت بيت أهلي .... وطول فترة إقامتي عند أهلي
كان يعاملني على إني أجرمت بحقه وكان ما يراعي مشاعري ويقول لي
راح أسوي كذا وراح أشوف البنت عن قريب...... المهم بعدها بفتره رجع
وقال إن ربي ما كتب له الزواج وأنا شلت فكرة الزواج..........
من سبع شهور تقريبا وأنا أعيش بنار أحس بعدم الامان وإن حياتي صارت
كابوس صرت أخاف إن يجيني يوم وألاقي نفسي مهمله من قبل زوجي
وهو مع إنسانه غيري وصرت أشوف نفسي ولا شيء وإن ما فيني شيء
حلو مهما لبست ولا اهتميت بنفسي......... أحيانا أوقف جدام المرايه وأقول
انا ما فيني شيء حلو علشان جذيه هو يدور غيري وأقعد أبكي.......
صرت أفتش بأغراضه وبتليفونه ..... وإذا طلعنا بره البيت وشفته يطالع وحده
ثانيه لا إراديا أقعد أبكي وأحس إني ولا شيء......... وإذا رحت مكان شفت
وحده حلوه أقول شو لو كان ريلي ماخذ وحده مثلها والله ما راح يطالع بويهي...
وأحيانا أتخيل أنه متزوج ومرته حلوه أحس إني اتقطع........ أحيانا أقول شو
إذا مرضت أكيد راح يدور لوحده غيري صحتها أفضل مني.... شو إذا كبرت بالسن
أكيد راح يركني على جبن ويدور على غيري..... مع العلم إن عمري 27 سنه
وصرت أخاف يوصل عمري ثلاثين........
الوسواس ذبحني حتى إني صايره جدا عصبيه ودايما متوتره..... أحيانا ودي
إنه يتزوج علشان أحس ولو بشيء بسيط من الأمان وراحة البال.....
|