19-02-2006, 10:10 PM
|
#37
|
|
عضو شرف \عضو نادي المتفائلين
|
بيانات اضافيه [
+
]
|
|
رقم العضوية : 12433
|
|
تاريخ التسجيل : 01 2006
|
|
أخر زيارة : 24-06-2009 (06:38 PM)
|
|
المشاركات :
2,708 [
+
] |
|
التقييم : 23
|
|
|
لوني المفضل : Cadetblue
|
|
الزوجه : اهلين يابعد عمري وشخبارك ؟
الزوج : طيب ،، شوي تعبان !!
الزوجه : علامك وليش تعبان ويش في ؟ شغلك في شي
الزوج : اخ ياراسي ،، لا مافي شيء ،، بس من اليوم ورايح لازم نتعلم " اختصار الكلمات " ونصير مثل الازواج الفرنسيه بالحكي .............
الزوجه : يعني كيف ؟
الزوج : ياحبيبتي .. مدري ويش الغداء ؟
الزوجه : والله ياعمري مسويه غدى محترم راح تاكل صوابعك وراهم ،،
الزوج : ويش قلت انا لش ؟
الزوجه : سئلتني عن الغداء ؟
الزوج : وليش الرغوه الزايده " يعني مكبوس والا محمر "
الزوجه : ياطويل العمر " مندي "
الزوج : لاتخليني اعصب ،
الزوجه : يمه وليش اتعصب ؟
الزوج : قولي " مندي " وبس !!
الزوجه : مدري ويش فيك اليوم مسخن ؟!
الزوج : مافيني شي ، بس ابغاش تجهزين الغدى طيب
الزوجه : حاضر ،، بس وين تبي تتغدى !!
الزوج : صج انتي مهبوله ...بتغدى بفراشي !
الزوجه : انا ماني مهبوله ولااسمح لك تقولي كذا ،،
الزوج : ياحياتي ،، اكثر مايعجبني فيش الاهبال !!
الزوجه : يعني ويش تقصد ؟
الزوج : ياروحي حطي الغدى في المكان المتعودين فيه كل يوم
الزوجه : ويش رايك مافي غدى ..واذا تبي غدى روح حطلك بروحك ،، اذا ماعدت انطاق زي ماتحسسني
الزوج : حرام عليكي يابنت الناس والله مقدر اعيش بدونك ، انتي ام عيالي
الزوجه : تسلم لي يابو عيالي ،،
الزوج : وين ولدش " خالد"
الزوجه : خالد الله يسلمك من طلع من الظهر مارجع ،، مستانس مع ولد الجيران يلعب معاه
الزوج : اوفففففف عليك ،، قولي مع ولد الجيران وخلص
الزوجه : حاضر
الزوج : طيب الشاي جاهز ؟
الزوجه : الحين اجهزه بس ثواني ،، وتشوفه قدامك
الزوج : الله اكبر ..راح ترفعين ضغطي
الزوجه تبكي : ليششششش ،، يعني انا ثقيلة دم
الزوج : ماقلت كذا ،، قولي الشاي ماجهز وبس !
الزوجه : اهاا..يعني تبغاني اجاوب على قد السؤال بس بكلمتين " مقدر " تعرفني انا وحده ثرثاره
الزوج : موضوع الثرثره ذه ،، ابغاك تنظميه في حياتك
الزوجه : يعني شلون مافهمت ؟
الزوج : وقت الثرثرة " بنثرثر سوى باختصار " ..
الزوجه : شلون ؟!! ..
الزوج : الساعه كم الحين ؟
الزوجه : مدري ..الحين اروح اشوف الساعه ..والا اقولك تقريبا الساعه وحده والا ثلاث !!
الزوج يترنح : طيب ممكن تجيبي ماي ؟ عطشان ؟
الزوجه : انشالله ،، تبغيه بارد والا فاتر
الزوج : لاه ..ابغاه مسخن درجت حرارته 100
الزوجه : ايش ؟ ...مالك اليوم ؟
الزوج : بتجيبين الماي والا اقوم انا ؟
الزوجه : الحين اجيبه ويش عاجلك .
الزوج : ابي احط راسي وانام شوي
الزوجه : اقول قبل ماتنام ابغي اروح السوق ..وتعرف يعني لوازم البيت والولد
الزوج : خليه لوقت ثاني
الزوجه تعصب : لاه ..انا قلت الحين يعني الحين والا موعاجبك كلامي
الزوج : شوفي " لو قايله كلمه لاه ..بس " كان اقول عنك انك قمة في الذكاء
الزوجه : ويش تقول ؟ ..يعني انا غبيه في نظرك ..
الزوج : ارحميني والله مااقصد ..
الزوجه : مسكت الباب " طرااااااااااااااااااااخ "
الزوج : اوفففففففف ..وين المخده راحت ؟
تابعونا للجزء الثاني
===> بمزح معكم
" هذا نموذج بسيط لبعض الازواج تتعلم الزوجه فنون الكلام باختصار والجواب بكلمه فقط "
|
|
|
|