نفساني - عرض مشاركة واحدة

22-02-2006, 11:04 AM

السلام عليكم ورحمة الله وبركاته....

بصراحه ماني عارفه كيف أبدأ موضوعي ... الموضوع اني أنا متزوجه صارلي أشهر فقط قبل فتره بسيطه لاحظت زوجي ياخذ حبه قبل النوم ولما أسأله يقولي هذي حبة مسكن للجسم ومره يقولي هذي مسكن للاسنان وبصراحه أنا شكيت بالموضوع وجيت يوم وحفظت اسم الدواء ولما بحثت بالنت اكتشفت انه (زيروكسات ) دواء للاكتئاب او الوسواس القهري هنا كانت الصدمه ,,, واللي مضايقني اني تزوجته عن حب وكان اتفاقنا قبل الزواج أن محد فينا يخبي شي عن الثاني حتى لو كان هذا الشي بيزعل أحد الطرفين ... وماتحملت الا اني اواجه ويوم المواجهه ثار في وجهي وقالي مالج حق تفتشين في اغراضي وتسوين شي من وراي ..والله أنا لو ماكنت مهتمه فيه وتهمني صحته كان ماسويت كذا ورده لي لما كنت اسأله عن الدواء كان يشككني ... وقبل كم يوم رديت لنفس الموضوع وسألته رجع قالي انه مسكن وبعد الحاح مني وبينت له اني بساعده وهذا الشي مو عيب حتى لو كان فيه اكتئاب بعدها قالي صح ولازم آخذه لفترة سنه وان الدكتور هو اللي واصفه له... بس اللي مضايقني ومكدر خاطري انه ماقلي عن الموضوع شي وأنا واااايد خايفه عليه وخايفه انه يكرر هالحركه وبصراحه انا ماتخيل ردة فعلي في موقف ثاني غير اللي صار .....

أرجواااا الرد والافادة

المصدر: نفساني